Prosesu Dezenvolvimentu Dalen Tetun

PROSESU DEZENVOLVIMENTU  DALEN TETUN

1. Dezenvolvimentu dalen Tetun husi rai-liur

          Tetun nu’udar dalen ida  hanesan dalen seluk iha mundu raiklaran presiza kria kondisaun ida ke di’ak hodi dezenvolve dalen ne’e, nune’e mós hodi hasa’e ninia prestizu liuhosi  komponente oioin dalen nian. Dezenvolvimentu dalen tetun iha parte rua hanesan; dezenvolvimentu rai-liur no rai-laran Komponente linguístika ne’ebé desenvolve iha  rai-li’ur mak hanesan tuirmai ne’e: fonolojia, morfolojia, sintase no semántiku. Atu koñese kle’na kona-ba perspetiva área linguístika haat mak tuirmai ne’e:

1.    Fonolojia

Fonolojia nu’udar ramu linguístika nian ida ne’ebé estuda sistema sonoru dalen nian. Hosi variedade son  ne’ebé aparellu vokál emar nian bele prodús, no estuda hosi fonétika, ne’e nu’udar númeru ki’ik ne’ebé uza distintivamente iha dalen. Iha fonolojia nia laran ko’alia mós fonétika. Fonétika nu’udar siénsia ida ne’ebé estuda karaterístika físika, artikulatóriu i perspetiva produsaun no persesaun son hosi ko’alia no mós fornese métodu ba nia deskrisaun no klasifikasaun. Área fonolojia nian mak  envolve: “son no fonema, vogál sira, konsoante, sílaba no liafuan”.

2.    Morfolojia

Morfolojia nu’udar parte ida hosi gramátika ne’ebé estuda liafuan no nia formasaun, iha klase ka kategoria liafuan gramátika nian ne’ebé pertense ba. Área sira  ne’ebé envolve iha morfolojia hanesan: “klase liafuan hotu-hotu ne’ebé inklui iha dalen ida nia laran (naran ka substantivu, verbu, pronome, adjetivu, advérbial, numerál, prepozisaun, konjunsaun nst.) no nia modifikasaun liafuan básiku ba kompleksu no mós muda hosi kategoria ida ba seluk”.

3.    Sintase ka Sintatiku

Sintase : Nu’udar parte ida hosi gramátika ne’ebé estuda konstituante fraze nian no nia ordenasaun. Área  envolvimentu  sintase nian mak hanesan: “fraze, tipu fraze nian, forma fraze nian, fraze no orasaun, fraze simples no kompleksa, funsaun sintátika konstituante fraze nian, orden konstituante orasaun,  koordenasaun   no subordinasaun fraze nian”.

4.    Semántiku.

Semántíku : Nu’udar parte ida hosi gramátika ne’ebé estuda signifikadu liafuan nian hó  modifikasaun sentidu nian, ne’ebé sira sofre liuhosi tempu no espasu. Área ne’ebé envolve iha semántika mak hanesan: “relasaun semántika entre liafuan, kampu semántiku ( semántiku leksikál no semántiku frázika) denotasaun no konotasaun, evolusaun semántika, valór espesiál tempu nian nst”.

2. Dezenvolvimentu dalen Tetun husi rai-laran

Alénde komponente hirak iha leten, hetan mós dezenvolvimentu hosi parte   rai-laran hodi hasa’e prestizu dalen tetun nian hanesan:

1)    tetun nu’udar dalen lokál;

2)    tetun nu’udar dalen  franka (dalen  negósiu / komérsiu);

3)    tetun nu’udar dalen nasionál no

4)    tetun nu’udar dalen ofisiál. 

                                                       

                                             ka

                                                                                 Tetun nu’udar dalen ofisiál

 

                                             Tetun nu’udar dalen nasionál

 

           Tetun nu’udar dalen franka

Tetun nu’udar dalen lokál

Atu ita bele koñese di’ak no hatene kle’an liu tan kona-ba parte hirak-ne’e mai ita halehat hamutuk parte idaidak iha karaik ne’e:

1.    Tetun  nu’udar dalen Lokál

       Funsaun :

·       Tetun nu’udar dalen lokál nia valór hanesan mós  dialetu lokál sira seluk nu’udar  dalen materna hanesan: dalen Lasmeto, dalen Fataluku , dalen Bekais, dalen Lolein no seluseluk tan iha  rai-Timór laran. Tetun  hanesan dialetu lokál sira seluk mak ita hetan no ema uza iha rai Suai, Alas ( Manufahi), iha Soibada ( Manatutu) Balibó no iha Vikeke vila.

·       Tetun nu’udar dalen lokál: meiu ida hodi  halo komunikasaun entre povu iha rai ne’ebá nian ( Suai, Alas, Soibada, Vikeke no Balibó),

·       hala’o komérsiu lokál  entre étniku hosi  sosiedade nia laran no

·        hodi habelar kultura povu rai hirak-ne’ebá nian.

2.    Tetun nu’udar dalen Franka ka dalen komersiu

Tetun nu’udar dalen franka mosu bainhira kapitál provínsia Ultramarinu Timór-Portugés iha rai-Lifau (Oekussi) muda mai Dili (±1700). Iha tempu ne’ebá Dili nu’udar bairu ki’ik ida-ne’ebé okupa  hosi ema Mambae sira. Iha tempu ne’ebá duni malae Portugés sira la halo interasaun ho ema Mambae tanba  malae mutin sira  hatene ko’alia de’it sira nia dalen no Mambae-oan sira mós hatene de’it sira-nia lia. Ho razaun ida-ne’e malae mutin sira hakbesik ba liurai Mambae sira atu bele kria dalen ida ne’ebé hetan influénsia boot tebes hosi dalen portugés, atu nune’e hosi parte rua ne’e (entre malae mutin no timoroan) bele uza hamutuk hodi halo interasaun ka komunikasaun lorloron no sira hotu kompreende nia signifikadu maske seidauk domina dalen foun ne’e. Dalen ida-ne’e mak hanaran dalen Franka.

      Funsaun dalen franka mak hanesan tuirmai ne’e:

a.     Nu’udar meiu ida ba timoroan  tomak hodi uza hala’o komérsiu lokál (dalen komérsiu);

Liuhosi dalen franka, timoroan distritu sanulu-resin-tolu bele hala’o negósiu uza de’it dalen tetun. Sira idaidak  husik  hela dialetu lokál, uza lisuk  dalen tetun hodi kria kondisaun negósiu nian ida-ne’ebé di’ak entre makfa’an no maksosa sira;

b.    Nu’udar  embriaun hodi kria unidade ba timoroan (dalen unidade nian).

Tetun  nu’udar meiu hodi kria unidade ba Timór hosi Jaku to’o Oekusi, tasi-mane to’o tasi-feto, uza dalen tetun  hodi komunika ba malu iha moris loroloron liuhosi atividade serbisu nian iha merkadu, servisu-fatin, fatin públiku no seluseluk tan.

       Dezenvolvimentu tetun  nu’udar dalen franka hahú la’o maka’as, bainhira  liu tiha akontesimentu funu boot mundu nian ba daruak. Hahú hosi tempu ne’e timoroan barak tebtebes hatene ko’alia ona dalen tetun. Tanba ema timoroan barak liu mak hatene ko’alia tetun ne’ebé hetan influénsia hosi portugés maka’as tebtebes      (tetun-Dili)  sai fali  dalen Timór Lorosa’e nian ne’ebé hanaran lia-veikulár. Entre tinan 1945-1975 matenek barak ( linguista) hosi  Timór no raiseluk sira estuda i hakerek dalen tetun ho vizaun atu dezenvolve, maske hetan obstákulu oioin.

 

3. Tetun nu’udar dalen Nasionál

          Bazeia ba tetun nu’udar dalen franka liuhosi lala’ok naruk  hodi dezenvolve dalen ne’e sai hanesan lia-nasionál no sientífiku  iha nasaun Timór-Leste. Liuhosi tempu naruk lala’ok tetun sai hanesan dalen istóriku ba povu Timór. Tetun  nu’udar dalan istóriku ba povu Timor lori tempu no liuhosi prosessu naruk, hahú hodi traduz Biblia sagrada hosi Latin mai Tetun to’o iha luta rezisténsia nian mós kontinua uza nu’udar instrumentu ka meiu ba administrasaun hodi infrenta problema polítika Timór nian hasoru ditatór Soeharto ho nia rezime tomak. Ho  razaun hirak-ne’e fó-biit ba dalen tetun sai hanesan dalen nasionál ne’ebé hetan fatin no konsagra  ona iha “Konstituisaun Repúblika Demokrátika Timór-Leste” artigu 13. Razaun seluk partidu FRETELIN konsagra ona iha sira-nia manuál polítika 75 nian hodi hanorin polítika ba nia militante sira. Nu’udar dalen nasionál hatudu ba ita katak “dalen ne’e povu tomak no nasaun Timór-Leste nian tan ne’e ita hotu tenta atu uza iha vida  moris lorloron nian liuhosi atividade oioin. Nia funsaun  mak hanesan tuirmai ne’e:

·       nu’udar dalen nasionál, tetun kria unidade ba povu distritu sanulu-resin-tolu;

·        hamahon no hakbiit nia makdalen sira hosi dialetu oioin atu domina  tetun  kle’an liu, liuhosi esforsu no haka’as an estuda  dalen nia regra sira no ho nia mudansa tomak;

·        hasa’e prestizu dalen nasionál nu’udar patrimóniu kulturál nasaun nian ne’ebé hatudu identidade  própriu  povu Timór nian ba mundu raiklaran;

·       tetun nu’udar identidade  hodi hatudu nasaun Timor-Leste ba mundu internasionál.

4.    Tetun  nu’udar dalen Ofisiál

Tetun nu’udar dalen ofisiál ba nasaun Timór-Leste, katak valoriza liu tan ka hasa’e nia nivél. Liuhosi nivél ida-ne’e hatudu razaun kle’an mai ita makdalen sira katak “iha ita-nia moris lorloron nu’udar sidadaun independente sente orgullu no fó onra ba ita-nia dalen nu’udar patrimoniu kulturál sai dalen ofisiál nasaun nian.  Funsaun Tetun nu’udar dalen ofisiál  hanesan tuirmai ne’e:

·       nu’udar meiu  komunikasaun ofisiál nasaun Timor-Leste nian;

·       nu’udar meiu hodi  hala’o administrasaun públiku nasaun nian;

·       nu’udar dalen sientífiku hodi dezenvolve siénsia,  teknolojia  no  kultura nasaun ne’e nian.

A.     Meiu ba Dezenvolvimentu Dalen Tetun

      Nu’udar dalan hodi dezenvolve dalen tetun ba povu Timór mak hanesan tuirmai ne’e:

1.    Aristokrasia lokál;

2.    Komérsiu/negósiu lokál (tradisionál);

3.    Dalen portugés;

4.    Doutrina Katólika;

5.    Luta rezisténsia polítika ba independénsia nasionál;

6.    Liuhosi aprende dalen nu’udar siénsia hosi kursu oioin.

 Tanba sá mak Tenke Dezenvolve Dalen Tetun ?

      Nu’udar interese  nasionál  ba povu Timór-Leste  atu dezenvolve tanba dalen tetun sai hanesan :

1.    Patrimóniu kulturál  nasaun no povu Timór-Leste nian.

2.    Identidade nasionál.

3.    Dalen nasionál.

 Baze hodi dezenvolve dalen tetun

           Nu’udar baze atu dezenvolve dalen tetun iha tempu daudaun ne’e bá oin iha oin tolu:

        1. Baze konstitusionál

 Hahún ba konstituisaun RDTL Parte I kona-ba Prinsípiu Fundamentál, ninia artigu 13 kona-ba dalen ofisiál no dalen nasionál ho versu :

1.    Tetun no Portugés nu’udar dalen legál ka ofisiál ba nasaun RDTL.

2.    Governu  sei  fó  konsiderasaun  ba  dalen   tetun  no  dalen rai na’in seluseluk   iha dezenvolvimentu nia laran.

 No Parte II kona-ba direitu, obrigasaun no garantia privadu, ho nia Títulu II kona-ba direitu no obrigasaun ekonómia, sosiál no kultura, nia artigu 60 kona-ba direitu intelektuál; Nasaun fó garantia no hamahon formasaun, produsaun no negosiasaun ema ida-idak nia produsaun intelektualidade obras literária no artístika inklui hamahon deireitu kriasaun.

       2. Baze dekretál

Hahún ba Dekretu Lei Governu RDTL liuhosi Konsellu Ministru Númeru 1/2004 14 fulan-Abril 2004 kona-ba Padraun Ortográfiku dalen Tetun ne’ebé publikadu iha Jornál Repúblika Série I No. 5  14 fulan-Abril 2004 (pág. 417) lihosi Reitór UNTL, Benjamin de Araújo e Corte-Real nia intervensaun iha Jornál Nasionál Semanáriu No. 0033 (21 Agostu 2004: 12)  simu ofisialmente katak Ortografia Padronizada nu’udar sistema fonémiku, “Promovidu, administradu no dezenvolvidu hosi INL”.

        3. Baze  sientífika

            Signifika hala’o atividade estudu kona-ba dezenvolvimentu dalen tetun tuir kritéria    sientífika linguístika nian ho sistema tolu:

a)   Sistema uniforme katak ita hakerek liafuan hotu-hotu ho oin ida de’it

Sistema ne’e fó-hanoin  ba ita atu labele hakerek tuir ita ema ida-idak nia gostu, maibé tuir banati ida. Banati ne’e mak nu’udar ita-nia padraun hakerek nian. Sistema ne’e mós esplika ba ita katak labele hakerek tuir ortografia portugés, ortografia inglés ka  ortografia dalen indonézia no mós keta hakerek tuir dialetu oioin iha Timór laran nia hakarak.

b)   Sistema lasala katak fó ba liafuan ida-idak hakerek ida ne’ebé haleno liafuan ne’e nia son.

Sistema ne’e esplika mai ita katak letra sira ne’ebé hakerek iha dalen tetun nia laran símbolu ida haleno de’it son ida “ letra   /s/ “  hosi hakerek liafuan  ‘sosa ’ son  /s/ mak mosu, maibé  liafuan barak  mai hosi dalen portugés hakerek  ho oin ida, nia son oin seluk n.e. “ casa” signifika uma , liafuan ne’e hakerek ho /c/ nia pronúnsia hamosu son  /k/ no mós   /s/ hamosu son /z/. Sistema ida-ne’e dalen tetun la rekoñese, tanba  sistema  sira hanesan ne’e kria hakerek oin ida no hatete sai oin seluk. Sistema ida-ne’e mak  hanaran sistema fonétiku.

c)    Sistema fonémiku katak  sinál, símbolu ka fonema  idaidak  iha nia son

      rasik

            Liuhosi sistema ne’e, ita bele hetan esplikasaun  klaru    katak   dalen hotu-hotu iha mundu raiklaran inklui tetun mós   iha estrutura ida-ne’ebé nakfahe ba fonema ka son báziku oioin. Hakerek tuir banati  fó ba fonema ida-idak sinál ida de’it. Karik kompara ho dalen portugés ita uza sistema la hanesan,  tanba  iha  dalen portugés sinál   iha   son  rua. Tan ne’e sira  uza   sistema   fonétiku.    Liuhosi komparasaun sistema dalen   nian   badak  ne’e hamosu  ona  konseitu ida ba ita atu komprende sistema rua ne’e nia sentidu.

Ortografia    

Ortografia nu’udar parte ida hosi gramátika ne’ebé hanorin ho maneira loloos hodi deskreve liafuan. Área ortigrafia nian mak hanesan: “alfabetu, sinál sira hakerek nian, regra asentuasaun, oinsá espremi vogál no konsoante sira, derivasaun silábika translineasaun, relasaun fonétika no gráfika entre liafuan, uza letra maískula hosi hahú fraze, no pontuasaun”.

          Ortografia dalen tetun kria hahú iha tinan 1874 hosi Padre Sebastião Maria Aparicio da Silva. Liu tiha tinan sanulu-resin-lima (1889) mak foin públika obra importante rua ne’e: disionáriu portugés-tetun no mós gramátika dalen tetun. Amululik dehan iha nia livru katak tetun oin-ketak ho portugés tan ne’e labele hakerek ho lia-portugés nia regra ka nia ortografia. Tanba ne’e nia halo ortografia ketak ba lia-tetun. Obra ida-ne’e sei hatutan husi señór Rafael das Dores iha (1907) no Padre Manuel Patrício Mendes no mós Padre Manuel Mendes Laranjeira iha tinan (1934). Iha dékada tinan 80 no 90 linguista timoroan no rai-seluk hadia no dezenvolve tan ortografia ne’ebé Padre Sebastião hosik hela. Ikus liu ekipa linguista ida-ne’ebé serbisu hamutuk ho UNTL nian hala’o knaar boot hodi prepara ortografia padronizada. Liutiha tinan 129 hafoin ita uza. Bazeia ba obra ortografia nian ne’ebé  kria hosi  Padre Sebastião, INL  dezenvolve sai ortografia-padraun dalen tetun nasionál no ofisiál.

          Pozisaun tetun hanesan dalen Franka hahú konsolida dezde husi prezensa Misionáriu sira iha Timór. Misionáriu sira mós prosede prekosemente hakerek tetun no halo publikasaun sira hanesan tuirmai: 1).Katesizmu Badak no Orasaun ba Loro-loron – 1907;  2). Rezumu husi Istória Sagrada Portugés no Tetun – 1908; 3). Dicionáriu Tetun Portugés – 1900 no Portugés Tetun – 1889; 4). Kartilla Tetun – Portugés – 1916; 5). testu iha tetun ba Literatura orál Timorense – 1961.

          Durante tinan 24 iha okupasaun Indonézia nian laran, dalan ofisiál okupante nian mak tau iha funsionamentu. Hanesan Indonézia bandu públiku uza dalen Portugés, padre sira husik hela uza iha pregasaun no  fó hakat  hodi prega tetun. Don Martinho Lopes, Bispu Timór nian, rezolve husu ba Kongregasaun Ritu nian autoriza atu selebra liturjia iha dalen Tetun. Dioseze Dili harii komisaun ida atu tradús testu sira,  nu’udar membru ne’ebé ativu liu mak padre Albertu Ricardo da Silva, Bispu Dili ohin loron nian, hamutuk ho nia kolega sira konsege kompleta lalais serbisu ne’e, no aprova tiha husi Roma iha loron 7 fulan-Abríl 1981; liu tiha ne’e, iha tempu badak tuirmai Dioseze Dili hanorin hafahe polikopiadu sira ne’e ba territóriu tomak no misa  hahú selebra kedas iha dalen povu nian ne’e.

Hatán hasuk sira tuirmai ne’e!

1       Estudante sira koko atu reflete hikas asuntu ne’e no dehan sai tuir idaidak nia hanoin kona-ba asuntu ne’e  rasik!

2       Esplika saida mak Ita-Boot sira hatene kona-ba verbu kompleksu ho nia ezemplu sira!

3       Tanba sá mak nasaun ida hanesan Timor-Leste mós tenke kria nia ortografia rasik? Saída mak nu’udar razaun fundamental ba asuntu ne’e!

4       Konta  istória ortografia ne’ebé akontese iha dalen tetun!

Asentuasaun  

Asentusaun nu’udar sinál ausiliár ba prosessu hakerek. Asentuasaun importante tebtebes ba ita bainhira hakerek fó-biit (tulun-biban) ba liafuan liuhosi hamonu sinál ba sílaba tónika liafuan nian. Atu nune’e liafuan ne’e bele hetan nia pronunsia loloos no hatudu sentidu ne’ebé ema hotu koñese no utiliza. Dalen tetun rekoñese sinál ausiliár úniku iha nia siénsia ortografia mak “sinál agudu” ( ´ ).

 Pontuasaun

Pontuasaun ne’e importante tebtebes. Dala barak ita kompreende laloos saida mak ita rejista  liuhosi prosesu hakerek tanba  falta koloka pontuasaun para fasilita leitura ba ema seluk. Atu ita kompreende di’ak liu tan kona-ba pontusaun sei hare iha oin.

      Atu ita koñese no komprende kle’an liu kona-ba parte tolu ortografia nian ne’e, mai ita halehat hamutuk asuntu idaidak kona-ba ortografia padronizada iha parte tuirmai ne’e.

 Bee-matan Dalen Tetun

Liafuan  sira rihun-ba-rihun be hodi konstróe Tetun Nasionál foti hosi bee-matan rua. Bee-matan ida mak Tetun-Terik ho naran liafuan kahorik no hosi bee-matan dalen portugés ho naran liafuan luzizmu.

          BALUK DARUAK

                          ORTOGRAFIA PADRONIZADA

1. Estrutura Alfabetu  dalen Tetun nian

 

     Alfabetu latinu  dalen Tetun  emprega sinál ruanulu-resin-hitu hanesan haktuir iha karaik:

 A B  D  E  F  G  H  I  J  K  L  LL   M  N  Ñ  O  P   R   RR  S  T  U  V  W  X  Z  ’

a  b   d   e  f   g   h   i   j  k   l   ll     m   n   ñ   o  p    r    rr     s   t   u   v  w  x  z   ’

 Sinál hirak-ne’e hanesan mós portugés nian, alfabetu tetun nian emprega letra boot (maiúskula) no mós letra ki’ik ( minúskula) n.e. : A/a, B/b, D/d, E/e no seluseluk tan (nst).

 Sinál idaidak soi nia naran rasik no hodi hakerek liafuan sira. Haree iha tabela tuir mai ne’e:

Sinál ka símbolu	Son ka lian	Liafuan
A/a	Á	asu, ahi,amá, apá, papa
B/b	Bé	barak, boek, basuk, bou
D/d	Dé	di’ak, doit, doben, dudu
E/e	É	ema, etu, emak, emar
F/f	Efé	furak, feto, fulan
G/g	gé,	gruta, garfu, gaba, goza
H/h	Agá	han, ha’u, hanoin, halo
I/i	Í	ida, iha, ikan, ikun
J/j	Jota	janela, José, jardín
K/k	Kapa	ko’a, katupa, kakoak, ku’ak
L/l	Ele	lori, leba, lalin, lolon, luan
LL/ll	elle ka ele kaduak	toalla, Jullu, falla, pilla
M/m	Eme	midar, moris, masin
N/n	Ene	naroman, naruk, natar
Ñ/ñ	eñe ka ene ho til	Juñu, mañozu, maña
O/o	Ó	otas, ohin, oras, osan, okos
P/p	Pé	papa, presu, portaun, posu
R/r	Erre	rona, rahun, rai, risku
RR/rr	erre kaduak	korreiu, sigarra, sigarru
S/s	Ese	sukat, sura, suru
T/t	Té	tetun , tetu, tanis
U/u	Ú	uma, udan, ulun, uhi
V/v	Vé	vidru, vazu,
W/w	Vé kaduak	wee,
X/x	Xis	Xave, xefe, xinelus
Z/z	Zé	uza, meza, dezenvolve
’	kapa-tatolan	Ha’u,  de’it, na’i, na’in

Alfabetu latinu tetun ne’e fahe ba parte  haat hanesan tuirmai ne’e :

Ø Konsoante  iha grafia sanulu-resin-hitu:

B  D  F  G  H  J  K  L  LL M  N  P  R  RR  S  T  V  W  X  Z

            Konsoante sira-ne’e  sei fahe ba grupu rua tuir ninia orijinalidade/proveniente;

          Konsoante kahorik : B D F H K L M N R S T

         

Letra

Iha liafuan

B D F H K L M N R S T W

ba, baliu, bani, banin, bele, be, bee, bosu, boot, bubu, buras, buti da’an, dame, delek, dikur, duir, durubasa, fali, faru, feto, fini, furak han, ha’u, hemu, hira, hitu, kadunan, kalan, kesi, kle’an, karuk, kotuk, koi, kose, kuana, kumu lanu, laran, lemo, leba, lia, liman, losu, lotuk, luan, lolon, lulun mama, malus, masin, me’ar, metan, mii, mihis, mós, moos, mutin naan, na’an, naruk, naran, nata, ne’e, nehan, nonook, nurak rai, rasa, rahun, reta, resin, roo, roman, ruku, ruin, sai, selu, seluk, sena, simu, sinu,  sosa, sura, susu, sunu ta’a, taha, tesi, tesik, tetak, tiha, tinan, toba, tolok, tuur, tuir, tuu wee, wa’in,

            Konsoante luzizmu : G  J  LL  P  RR  V  X  Z

Letra	Iha liafuan
G J LL P RR V X Z	gaba, gruta, garfu, governu, janela, jardín, jornál, juís, jurista, julgamentu falla, illa, toalla, jullu, kartilla, repollu papa, papá, paun, padraun, patraun, posu,  podér korreiu, derrota, karreta, sigarru vaga, veíkulu, vidru, viziñu, vota, xá, xave, xinelus zero, bandeza, dezenvolve

  

Ø Vogál iha sinál lima :

A   E   I   O   U

Ø Símbolu iha sinál rua:

Ñ                        => símbolu nazalítiku

luzizmu                    akompaña, testemuña, maña, mañozu, atéamaña, juñu

’ = kapa-tatolan => símbolu glotál (okluzivu glotál)

kahorik                  da’an, di’ak, fa’an, hadi’a, ki’ik, kna’ar, ku’a, kle’an, maka’as

Ø  Dígrafu  iha sinál rua:

LL  ho RR, dígrafu rua ne’e nu’udar dígrafu luzizmu mai hosi dalen (portugés).

Nota observasaun nian:

        Letra ka alfabetu sira  [C], [Q], [W] no [Y] ne’ebé la uza iha dalen Tetun ne’e, la’ós bandu totál  maibé  ba liafuan termu espesífiku no ema nia naran ho karatér estranjeiru ka internasionál sei uza.

      

Ezemplu : 

[C]                        [Q]                                  [Y]                               [W]

Carmelinda         Q =  kuantidade kalór          Y = matematika        Washintong

Crisogno            IQ = intelligence quotient     Yamaha                     Welintong

 Cm                     Q  =  uza iha área Mat.         Mulyana                    Kilowot

 Dcm                   Aqua                                                                       Microsoft Word (WS)

da Costa              Aquilis                                  Geoffrey                   Wiski

Cl                        Viqueque                               Okey                         Newzealandia

Coreia                                                                Royal                       Webside     

                                                                          Toyota                      Norwegia

                                                                                                                                           

Sistematika alfabetu dalen tetun  nu’udar padraun nia sekuénsia hanesan naktuir iha leten.                                                                                                                                                  

 2. Asentuasaun

Hanesan ita hotu  hatene katak iha dalen portugés rekoñese sinál asentuasan haat:

^  (sirkunfleksu),

`  ( grave), 

´   (agudu).

~ (til),

      Asentuasaun  hirak-ne’e, iha dalen tetun adota ida de’it, mak asentu  agudu { ’ }. Ho hahesuk ida-ne’e hamosu lia-husuk katak oinsá kona-ba asentuasaun seluk ne’e. Asentuasaun  ~ (til) ba dalen tetun la uza hodi tau iha vogál dadan nia leten, maibé uza iha  /n/ nia leten hodi hatudu símbolu ñ nazalítiku.  Alénde ñ (til) asentu sirkunfleksu  muda ba asentu agudu { ’ },  no asentu grave hodi halo kontra asaun entre artigu definidu no prepozisaun iha tetun lalakon tiha de’it, tanba tetun la rekoñese artigu definidu /a/  ho propozisaun /a/.

     

3. Pontuasaun

          Parte importante ida mós iha ortografia mak pontuasaun. Pontuasaun nia prezensa  fó pauza ba  liafuan, periodu, fraze no parágrafu atu hetan sentidu kompletu ida. Bazeia ba importánsia ne’e ita buka atu koñese pontuasaun nia símbolu no nia naran. Haree tabela tuirmai ne’e:

Símbolu	Naran
.	Pontu
,	Vírgula
;	pontu ho vírgula
:	pontu rua
?	tadak-mahusuk
!	tadak- hakfodak
?!	tadak mahusk no hakfodak
_	travesaun ka ifen
<< “	loke aspas
>> ”	taka aspas
(	loke parenteze kurvu
)	taka parenteze kurvu
[	loke parenteze retu
]	taka parenteze retu
…	Retisénsia
/	ka ou barra

          Sinál pontuasaun sira ne’e indika kona-ba, pauza boot ka naruk mak  pontu, no pauza badak hodi la’ó tutan mak vírgula no pontu ho vírgula. Sinál pontuasaun sira seluk asosia liu ba entonasaun  fraze nian hanesan: pontu rua, travesaun, tadak mahusuk, tadak hakfodak, retisensia no parenteze sira.

Ponto (.)

Indika pauza boot ida. Uza iha finál fraze, signifika katak saida mak ita pretende ko’alia ne’e kompletu ona.

a)    Ami hemu hotu ona [.]

b)   Fitun kalan nian iha tempu rai-udan, laiha rumór ida, asu sira mak hatemi iha kintál laran [.] Deskute iha to’o matan-dukur. Rona ba, iha kalan nia rohan, ko’alia mesamesak, nu’udar desertu hodi hetan liafuan dahikus [.]

Vírgula (,)

Vírgula indika pauza ki’it hosi pontuasaun. Hetan iha interiór fraze nian,  hodi hafahe orasaun ka nia elementu sira.

c)    Ami hakarak hemu tan[,] maibé tua mak la iha tiha ona.

Uza mós hodi halo inumerasaun sira ba liafuan ka espresaun ne’ebé dezempeña funsaun hanesan iha fraze, bainhira la iha ligasaun hosi konjunsaun no, ka, laiha:

d)   Amá ba inaugura loja ho karregamentu dahuluk hosi kintál: kouve, alfase, manu, manu-tolun no ai-fuan.

Uza hodi separa  modifikadór sira, bainhira mosu antes ba sujeitu:

e)    Semana hirak liu ba, kolega sira ba vizita ami.

Uza hodi separa fraze ka parte fraze nian bainhira enkaixa fraze seluk:

f)     Iha rai-udan, hanesan rai nakukun sedu liu, halakan lampu minarai nian.

Pontu ho vírgula [;]

Hatudu pauza boot liu vírgula nian, maibé ki’ik liu pontu finál.

Uza pontu ho vírgula atu haketak orasaun koordenadas ka subordinadas iha nia natureza rasik, ne’ebé konstitui enumeresaun  estensu ka naruk ne’ebé  tau pontu ho vírgula iha klaran.

g)    Ita tenke halo preparasaun ba buat oioin [;] ...

Uza espresivamente iha fraze badak sira, marka serteza ida ba separasaun entre elementu orasaun nian ka fraze.

          h) Sobriña la haree  karta sira ne’e [;] maibé bele repara iha nia mata-been

                kompasiva iha feriadu.

Pontu rua (:)

Emprega  hodi indika situasaun sira:

i)      Rádiu hateten [:] “ Prezidente Repúbika Timor-Leste responde

      negativamente  ba  apelu ex. majór Alfredu.”

Hodi aprezenta enumerasaun sira:

j)      Manisfestasaun  kulminante  nu’udar mentalidade koletiva povu ida

                   nian  mak[:] polítika, morál, relijiaun.

Serve hodi introduz diskursu diretu:

          k) Katuas doko ulun  iha tempu ne’ebá no  hakotu hodi dehan:

            - Parese  ha’u iha razauan, señór Mauleki, hanesan baibain. Iha ne’ebá

                 kazu ne’e karik ita hotu iha juízu, se nia la mai  ba tempu to’o ona.

Bele mós introduz esplikasaun ida ka komentáriu ida:

          l) Murak ne’ebá hanesan ahi: dook haree lahetan, besik ahi han tiha.

Tadak hakfodak (!)

Emprega ba fraze ka liafuan hakfodak nian. Bele esprime variadu sentimentu, hanesan admirasaun, entuaziazmu, ironia, dúvida, moras, nst:

m) Imi keta hanoin aat ba mestre sira [!]

n)   Karik ba ! Entaun aban ami hein.

Tadak mahusuk (?)

Emprega iha lia-husuk sira no hahusuk direta:

o) Timór tomak hamutuk distritu hira[?]

p)   Sé mak seidauk mai [?]

q)   Sira-ne’e mai hosi ne’ebé [?]

Tadak mahusuk no hakfodak (?!)

Emprega tadak mahusuk no hakfodak nu’udar prosesu ida ne’ebé uza iha tempu hanesan, karik espresaun ne’e nu’udar pergunta no emosaun:

r)     Kontrabandu [?!] Ba ema hotu [?!] Rai sira ne’e, ba agrikultura?

s)     Ema ne’ebá halo saida [?!] – husuk ba ó-nia maluk karik sira iha responsabilidade ba eskritóriu?!.

Travesaun (-)

Uza hodi haketak determinada orasaun, espresaun ka liafuan ne’ebé karik koloka iha destake ka  aparte:

t)      Ha’u liu hosi kampu, iha lorokraik fulan-Fevereiru [-]  lorokraik nabilan ne’ebé nu’udar típika área rurál nian [-]  ha’u lori ho oan feto, ne’ebé nu’udar kriatura.

Emprega iha deskursu diretu, hodi introduz liafuan no haketak liafuan sira diskursu indiretu karik interkala:

u)   – Oh, señór bele fó volta ba ne’ebá Ita-Boot hakarak. Ida-ne’e  - akresenta hanesan jeitu partikulár – no só ba ema entranjeiru sira.

Retisensia (…)

Indika ba algu ne’ebé hela hosi ko’alia. Suspensaun ne’e bele signifika ezitasaun, dúvida, amargura, ironia ka sentimentu sira seluk:

v)   Luiza konsidera ho mata-been relembra sira:

- Tanba ne’e nia ladún kontente hosi ne’’ebá […]  La’ós sira hotu

   atu nune’e

x)   - Nem hotu […] la’ós sira hotu […]- estrajeiru sira dehan mosu iha  sira

        oin alegria boot hosi dúvida.

Ifen (-)

Uza hodi:

z) Liga liafuan rua  hodi bele konstirui liafuan única ida de’it, ho sentidu foun

     ida (naran kompostu).

           - midar-siin,  dekretu-lei, loron-Segunda, fulan-Janeiru nst.

           - sanulu-resin-lima,  da-4

a)  Liga pronome no enklítiku sira ne’ebé sei tuir ba substantivu:

            - Ha’u-nia  hahán iha ne’ebé.

b)   Liga naran sira ne’ebé se kombina designasaun ba país nian:

            - Dili nu’udar  kapitál Timór-Leste.

c)    Liga  verbu rua sai verbu maktulun ida.

      - fó-hatene, fó-sai, dehan-sai, nst

Parenteze kurvu (  )

Serve atu izola elementu fraze nian  ka fraze ida ne’ebé iha sentidu hanesan:

     d) Ami visita Monas (Monumentu Nasionál)

     e) Sira muda ba Baukau Kota Baru (parte ki’ik ida husi sidade Baukau)

Parenteze retu [ ]

Serve hodi indika suspensaun testu sitasaun nian […]. Halo suspensaun ida-ne’e hodi bele habadak sitasaun, elimina tiha balun ne’ebé konsidera ladún importante.

Serve mós hodi indika sitasaun ruma, ida ne’ebé nu’udar citasaun introduz esplikasaun ida ka komentáriu ida:

       f)  Entre interesse barbarak no realizasaun Leonardu [artista no sábiu

              italianu:  1452 - 1519 ] no pintura, no eskultura …

     Aspas <<   >> ka  “   ”

     Koloka iha inisiu no iha dahikus fraze ka liafuan ne’ebé nu’udar sitasaun husi

     kontestu seluk:

               g) - Ema hotu dehan “Hori uluk hori wa’in timór asu wa’in nanis”.

             h) - Ema hateten sira mesak “na’ok-teen”

             i) - Biblia hateten: << Laiha  asasinu iha fatin ne’ebé komete krime>>

                                                                                                                                                                                                  

II. SÍLABA NO LIAFUAN OIOIN

1. Formula sìlaba nian

Sílaba nia fórmula bazeia ba estrutura fonema nian ne’ebé forma liafuan no fahe tuir regra sílaba nian hanesan iha karaik ne’e:

d)   V                = a-as, a-su, ku-a-na, li-a-fu-an, ha-la-i, ó  

e)    VK             = an, bu-at, na-an, fu-an, da-’an, a-vi-a-un

f)     VKK          = abs-tra-tu, ins-ti-tu-tu, ins-tin-tu, obs-tá-ku-lu

g)   KV             = mo-tuk, ma-ran, la-le-tek, ka-ma, ka-ruk

h)   KVK          = ko-tuk, ka-rik, hak-ma-tek, fu-nan, a-ban

i)      KKV          = kma-nek, kbu-nus, kso-lok, kna-’ar, ha-kla-ken

j)      KVKK       =  kons-tan-ta, kons-ti-tu-i-sa-un, kons-pi-ra-sa-un 

k)   KKVK       =  trán-..., tran-..., re-flek-..., kom-plek-su

l)      KKVKK    =  trans-...,

2. Sílaba

Sílaba katak liafuan sira-ne’e nakfahe ba letra lubun rua ka liu. Ezemplu liafuan ‘ taka ’ nakfahe ba sílaba rua  ta - ka  no liafuan konteúdu nakfahe ba sílaba  haat  kon-te-ú-du. 

Tuir ninia karaterístika sílaba rua, ne’ebé hanaran sílaba loken no sílaba  takan. Sílaba loken katak liafuan sira-ne’ebé nakfahe ba sílaba  sira ho ninia letra ikus  hotu ho vogál ka nakloke hela ho vogál. Ezemplu:

bele                = be-le

hatene            = ha-te-ne

estuda            = es-tu-da

baliu               = ba-li-u

soletra            = so-le-tra

korru                    = ko-rru

fali                        = fa-li

Sílaba takan katak liafuan sira-ne’ebé nakfahe  ba sílaba sira ho ninia letra ikus hotu ho konsoante ka taka ho konsoante. Ezemplu:

karik                     = ka-rik

kontente                  = kon-ten-te

kotuk                    = ko-tuk

kestaun          = kes-ta-un

bateria                 = ba-té-ria

matak             = ma-tak

makdalek              = mak-da-lek

investimentu = in-ves-ti-men-tu

kazamentu     = ka- za-men-tu

badinas          = ba-di-nas      nb: sílaba subliña sira mak nu’udar sílaba takan

Tuir ninia kuantidade, sílaba sei fahe ba oin tolu :

Monosílaba katak liafuan sira labele nakfahe ba sílaba rua , maibé ida de’it. Ezemplu:

       bá,

       bár,

       jís,

      fó,

      pás,

     sé,

     krús,

     súl  no seluseluk tan (nst).

       Disílaba katak liafuan  sira ne’ebé nakfahe ba sílaba rua.

       Ezemplu:

kafé            = ka-fé

          maun                   = ma-un

futu            = fu-tu

          taka            = ta- ka

          de’it           = de- ’it

          ki’ik            = ki-’ik

          to’o            = to-’o

       Polisílaba katak liafuan sira-ne’eb’e nahfake ba letra lubun ka sílaba tolu ka liu ou sílaba tolu ba leten.

      Ezemplu:

          Kanadá               = Ka-na-dá

          nadodon             = na-do-don

            loriku                           = lo-ri-ku

          partikular           = par-ti-ku-lár

          investimentu                 = in-ves-ti-men-tu

           surealizmu                   = su-re-a-liz-mu

           klasifikasaun                = kla-si-fi-ka-sa-un

           Maukatar                     = Ma-u-ka-tar

           kakatua                        = ka-ka-tu-a

          Babilónia                      = Ba-bi-ló-ni-a

3. Sílaba Tónika

Tuir sílaba tónika, mak liafuan sira iha dalen Tetun sei fahe ba oin tolu (3); liafuan todak (paroksítonu), hanehan iha sílaba daruak hosi kotuk, ne’e nu’udar asentu regulár, mak la presiza tau asentu.

  Liafuan meik (oksítonu) no liafuan doras (proparoksítonu), nu’udar asentu irregulár, mak tenke tau asentu hodi hanehan ho sotake. Liafuan meik (oksítonu) hahehan iha vogál dadan sílaba dahikus hosi kotuk. Maibé, liafuan doras (proparoksítonu) hanehan iha vogál dadan sílaba datoluk hosi kotuk. Atu hakonkreta ita-nia hanoin kona-ba ne’e, mai ita halehat liafuan sira iha lista tabela karaik ne’e:

   

Todak	Meik	Doras
bola se no ba foos boot be bee aat loos riin hariis kabas kabaas san knaar janela kadernu libru lapis meza kadeira rate uma masin paun dosi rebusadu sana kanedok faru kalsa kalsaun kamizola antigu baze bazeia mudansa muda trava kareta kuda karau bibi manu fahi samea laho busa rusa lima neen sanulu	Xá sé nó bá bár jís fó pás vés krús súl kafé pesuál nasionál internasionál sinál partikulár singulár manán sasán jardín infantíl vogál formál informál señór sinál mandadór kantór apagadór eskritór kobradór la’ós maibé ne’ebé portugés inglés fransés tradús satisfás kondús portavós deziguál soké kualkér ladún jornál nanál nazál glotál kardinál manuál anuál	demokrátika étniku polítika sientífika rádiu mínimu minúskula maiúskula ensiklopédia advérbiu ezijénsia agríkula farmásia médiku estómagu filózofu jinástika válidu inválidu gráfiku núkleu Áfrika Ázia matéria eskritóriu armáriu misionáriu semináriu aniversáriu gramátika tendénsia independénsia karaterístika símbolu kurríkulu sékulu múzika intervokálika depózitu esperiénsia biolójika kímika fízika atómika kámpara kámara gráfika sumáriu pronúnsia influénsia nazalítiku glotáliku númeru

Asentuasaun tuir ninia ezisténsia nakfahe ba oin tolu:

a). Penúltima = paroksítonu = todak nu’udar asentu regulár, signifika asentu ne’e tuir regra ortografia tetun-padraun nian, purtantu lalika tau asentu ba iha vogál sílaba dadan nia leten. Vogál dadan ne’e iha sílaba daruak hosi liafuan ne’ebé hakatak ba. Liafuan sira be klasifika ba todak mak liafuan sira be ho sutake emar timór tomak; beik, matenek, ferik, katuas, ki’ik no boot  sira hotu uza.

      Ezemplu :

ai

aman

asu

aten

bandu

bola

bosu

dada

dukur

faru

fatuk

fuan

garfu

gruta

hariis

haruus

hirus

hamnasa

laran

labarik

lalika

mana

maun

b). Última = oksítonu = meik nu’udar asentu irregulár iha dalen tetun, purtantu tenke tau duni asentu ba iha vogál dadan nia leten. Meik  ne’e asentu iha sílaba ikus liu hosi liafuan sira be ko’alia sai ba.

Ezemplu:

pás

vés

krús

súl

kafé

pesoál

nasionál

internasionál

sinál

partikulár

singulár

manán

sasán

jardín

infantíl

vogál

formál

informál

señór

sinál

mandadór

apagadór

eskritór

kobradór

la’ós

maibé

ne’ebé

portugés

infertíl 

fransés

satisfás

kondús

portavós

jornál

jenitál  

hatún

hahán

bebé

papá

c). Antepenúltima = proparoksítonu = doras nu’udar asentu irregulár mós. Asentu irregulár ne’e tau iha vogál dadan sílaba datoluk hosi kotuk iha liafuan sira be espresa sai ba.

      Ezemplu:

ádipe = balada sira-nia bokur

áditu = fatin sekretu, segredu

áfilu =  tahan laek, ai-moris lahó tahan

ájenu = ema ne’ebé la iha jerasaun

ájinu = plantasaun ka ai-moris sira  ne’ebé la iha orgaun femeninu.

          álibi = mosu iha fatin ketaketak ne’ebé hamosu krime ruma

          alkólika

          alójiku = lahó lójika

          biolójika

          antibiótiku

                   étniku

klínika

sientífika

urinária

mínimu

minúskula

maiúskula

ensiklopédia

kalkáriu  = moras iha urinária maibé laiha konsekuésia ba parte seluk ka daet

ezijénsia

agríkula

farmásia

médiku

estómagu

glándula = parte li’ur penis ninia

independénsia

karaterístika

símbolu

Liafuan tetun eruditu no korrente (kahorik ka Luzizmu)

Liafuan tetun eruditu/kahorik	Liafuan tetun korrente/luzizmu	Bainhira uza sala
atu bainhira labele lia/problema namka’it mamosuk sasuuk hakotun hamata haksoruk makerek makerek karik harii sona	Para kuandu imposível asuntu/problema relasaun akontesimentu karakter desizaun resolve opoin eskritór riskadu se forma insesaun	para atu bainhira kuandu labele imposível problema asuntu namka’it relasaun mamosuk akontesimentu sasuuk karater hakotun desizaun hamata rezolve haksoruk opoin makerek eskritór makerek riskadu se karik forma harii insesaun sona

IV. Uza sinál okluzivu glotál ka kapa-tatolan

Kapa-tatolan importante tebtebes uza hodi hakerek no  bainhira atu dehan sai  liafuan ne’e nia son. Nia prezensa hodi destingi liafuan nia hakerek nia forma, nia son no nia sentidu. Tan ne’e kapa-tatolan importante tebtebes  atu hato’o ba formandu sira katak uza bainhira de’it presiza  ba  determinadu liafuan tetun nasionál ne’ebé mai hosi tetun-terik.

ba’i                                => Buat ne’e tau ba ba’i hela de’it [la aserta = dezvia].

ba’inó                                     => Hahalok ne’e hatudu ba ema ba’inó sira-nian.

da’an                                       => Daun ne’e da’an tiha mak sona fali ba ema seluk.

da’et                              => Tanba asaun seksuál livre, HIV da’et ba bebeik.

de’it                               => Mak ne’e de’it liafuan ami hato’o ba Ita-Boot sira.

de’ut                              => Keta de’ut malu demais, bá buka serbisu ruma ka...

di’ak                              => Di’ak loos, ó kala ......!

du’ut                             => Nu’usá mak du’ut buras mai to’o iha uma tatís?

fa’an                              => Fa’an sasán iha ninia fatin tuir regra komun.

fo’er                              => Favór ida, soe fo’er ba iha ninia fatin.

ha’u                               => Dadaun ne’e ha’u sei hanoin todan hela.

hana’i                                     => Bainhira hana’i Maromak ho loloos!

hana’in                                   => Ne’e empresta ba imi, la’ós atu hana’in.

ka’it                               => Tiu, ka’it lai haas ida atu han, tanba ......

ke’e                               => Nia ba to’os atu ke’e ai-farina mak hetan susar.

ki’ik                              => Ohin loron sei ki’ik sira mós halo rai nakdoko.

kna’ar = serimónia                => Kna’ar inaugurasaun liubá ne’e rame sá!

ku’a                               => Ku’a ema-nia oan-nia husar didi’ak ee...!

ku’ak                                      => Tenke halo duni, tama ona rai-ku’ak lae ona.    

ku’u                              => Imi-nia saida mak ladi’ak be ku’u ita bebeik!

la’a                                => Mai ita la’a ona, oras to’o ona.

la’o                                => La’o bá eskola, bá loloos eskola ee...!

la’ós                              => La’ós ida sá! Nia mak hakarak tuir bebeik ha’u.

la’en                              => Feto labele la’en kaduak!

lala’ok                                    => Programa ne’e nia lala’ok ladún susesu.

lali’a                              => Imi-nia lali’a mak la iha ka nu’usá?

lale’u                                      => Toalla ne’e halo lale’u hodi tutur bee.

le’un                              => Fiu ne’e hamutuk le’un hira?

lorosa’e                         => Ó fiar lorosa’e sira-ne’e!

lu’ut                              => Manu-inan lu’ut loron hira ona?

maka’as                         => Butamak ne’ebá mós maka’as sá!

na’an                                       => Hakarak han na’an saida?

na’i                                => Na’i, fó perdaun mai ami maksalak sira!

na’in                              => Keta book, ninia na’in iha tiha ona.

namka’it [relasaun]               => Kazu ne’e namka’it ho kazu ida uluk nian.

ne’ebá                                     => Keta halo tuir sira ne’ebá!

ne’ebé                                     => Maun maihosi ne’ebé?

ne’e                               => Favór ida fó surat ne’e ba prima ne’ebá!

ne’eduni                       => Tanba problema bebeik, ne’eduni lalika rona tan

nune’e                                    => Agora kedas halo esforsu, nune’e to’o tinan haat hotu

sa’e                                => Maun sa’e nuu ida ba ita henu nia bee!

sa’en                              => Maske ra’ut bebeik maibé masin nia sa’en ne’e la para

ta’a                                => Kanek ne’e ema mak ta’a ka saida mak kona?

ta’es                               => Hei ..., xá ne’e ta’es momoos ee!

ta’uk                              => Keta ta’uk sá! Nia halo finji de’it

          Liafuan sira-ne’e nu’udar liafuan ho kapa-tatolan, tanba bainhira ko’alia sai liafuan     sira-ne’e, tarutu ou nakbelit iha nanál hun besik ba garaganta laran. Se ema Timór ida mak ko’alia ninia son la hanesan hakatak iha leten, ne’e katak sala, tanba la tuir regra Tetun-padraun kona-ba regra sonora ka lian ninian.

         Tuirmai ne’e liafuan sira hanesan, só bele distingi ho kapa-tatolan ho nia sentidu. Maske nune’e ema Dili bele dehan sai hanesan de’it. Liafuan sira tabela tuirmai ne’e iha liman loos la ho kapa-talolan no keta konfundi ho liafuan pár iha tabela liman-karuk tuirmai ne’e.

Liafuan ho kapa-tatolan	Nia sentidu	Liafuan lahó kapa-tatolan	Nia sentidu
ba’a	Monu	bá	la’o
ba’i	Hadore	bai	aman
ba’in	Barak	bain	tempu
bi’it	Sisi	biit	forsa, beran
bo’a	tiha/dai	boa	fohorai malae
bu’an	monu ba rai	buan	ema-si’ik
da’an	nono/tein	hudi-daan	hudi-sasuit
di’ik	ninin; lita	ai-diik	ai oin ida
fa’i	Buka	fai	tuku, harahun
fu’i	Apita	fui	fakar
ha’a	Ah	haa	Han
ha’ak	Dehan	bua-haak	Bua nia balun ida
ka’an	Hakon	kaan	hakarak duni
ka’er	hasai hurin	kaer	toma
ka’i	ka’it	kai	barak
ka’it	Hakail	kait	kamarua
kaka’ik	kail oan ida	kakaik	kamarua
ke’e	halo kuak	kee	hakee
ki’ak	ai oan ida	kiak	mukit
kna’ar	Ukur	knaar	serbisu; tarefa
nafu’a	fisur mosu	nafua	fó fuan
so’i	Merese	soi	Iha
so’ik	Meresedór	soik	karik, dala ruma

V. Vogál ida ka rua

           Vogál rua oin-ida ne’ebé rabat malu iha liafuan todak ida baibain mai hosi:

1). vogál rua oin-ketak iha tetun antigu, nakfila na  tanba evolui tuir tempu, vogál rua

     oin-ketak sai fali vogál oin-ida, hanesan ezemplu naktuir mai ne’e.

     Tetun antigu                                        Tetun modernu

       * foas                     sai fali                                       foos

       *boat                      sai fali                                     boot

       *wai                       sai fali                                     bee

2). Vogál oin-ida rabat malu bainhira konsoante ida lakon tiha hosi tetun antigu. Prosesu konsoante lakon ne’e mai hosi natureza tanba evolusaun dalen nian tuir dezenvolvimentu no ezijénsia sosiedade nian hodi responde nesesidade teknolojia.

     Tetun antigu                                        Tetun modernu

    

     * aqat                        sai fali                                     aat

    

     * loRos                     sai fali                                     loos

     * diRi                       sai fali                                     riin

     * hadiRu                  sai fali                                     hariis

     * sawan                    sai fali                                     saan

     * klawal                   sai fali                                     knaar

Vogál rua oin-ida de’it maibé tuur iha sílaba rua ketaketak: fo-os, be-e, hari-is. Ita labele trata vogál rua oin-ida ne’e sai vogál ida de’it.

Bazeia ba evolusaun hosi tetun antigu ba tetun modernu, liafuan oioin  tetun nian sei hakerek ho vogál. Dala barak sala hakerek, tanba hakerek tuir idaidak nia gostu ka tuir dalen seluk nia ortografia.

Liafuan todak ho vogál rua mak hanesan tuirmai ne’e:

aa

aas                                 haat                      naan                     aat

kaan                              raan                      ai-daak                          saan

dahaat                           kabaas                           taa                        haas

faak                               kmaan                           laan                      kabaas

kaan-teen                      fetosaa                           no seluseluk tan

ee

bee                                 haree                    naklees                          beek

habeen                          neen                     been                     prevee

dadeer                           kokoteek             reen                     lee

 

tee                                  feen                      meer                     sees

lees                                hadeer                           teen                      susubeen

kokoreek                      kokoteek             beek                     morteen     leet                       no seluseluk tan

ii

abii                                hariis                             manu-liin            riin

hamiis                           harii                     ramiis                            siin

liis                                 iis                         mii                       hamiis

habiit                             mamiik                kamii                              kbiit

 no seluseluk tan

oo

boot                               dook                    loos                      moos

haboot                           hamoos                loloos                            momoos

emboot                          matroos               natoon                           kloot

hadook                          homrook             look                     natoon

lia-loos                          kadoo                            kloot                    foos

laloos                            no seluseluk tan.

uu

uut                                 tuur                      fuuk                     nuu

hatuur                           manu-knuuk                 kakuun                          mauhuu

huun                              duun                              ain-tuur               suut 

luun                               no seluseluk tan                   

Atu bele hakerek ho di’ak no loloos keta konfunde ho liafuan sira seluk ne’ebé mai hosi dalen portugés no dalen malaia, hanesan tuirmai ne’e:

be    (yang)                   ~                           bee    (air)

hare (padi)                    ~                           haree ( melihat)

lan  (bulu domba)        ~                           laan      (layar)

mas  (tetapi)                  ~                           maas (menguap)

mós (juga/ também)     ~                           moos          (bersih/limpo)

mihis (tipis)                  ~                           miis  (basi)

sin     (ya/ oke)             ~                           siin   (asam)

VI. O ka ditongu ou

Ditongu

          Ditongu katak son ida ne’ebé hakohak vogál rua iha liafuan balu maihosi portugés, hanesan: (OU).

Regra 1

         Liafuan portugés hotu-hotu ho ditongu OU ne’ebé tama ba tetun hela ditongu ne’e iha ortografia padronizada:

                                                                  

          doutór                                     matadouru          

          doutora                         mouru                 

          doutoradu                     outonu                

          doutrina                         poupa                           

          kalabousu                      pouzada              

          kouve                                      roupa                            

          krioulu                                   toukadór            

          lousa                             louva                            

          louvór                                     xourisu

                  

Hakerek inkluzivu, katak timoroan balu bele dehan sai ditongu OU ne’e, hanesan iha     lia-portugés, balu fali dehan O.

Regra 2

          Liafuan kahorik ka rai-na’in nian tenke hakerek ho OU bainhira vogál rua ne’e katuir ou sekuénsia ida ne’ebé forma sílaba rua:

          inalou                            foufoun

          bou                      hafoun

          foun                     mout

          hamout     

                  

Regra 3

          Pseudu-fonema (fonema-bosok) ka alofone OU Tetun-Terik nian sai fali vogál O iha Tetun-Prasa/Nasionál. Ditongu OU ne’e ita rona beibeik iha Tetun-Terik nia dialetu hirak (mouris, sourin, hasouru, lousu), maibé ditongu ne’e la halo parte Tetun-Nasionál nia estrutura bázika.

Ezemplu:

Tetun-Nasionál                              Tetun-Terik

dadolik                                                      dadoulik

 doku                                                         douku

hahoris                                                       hahouris

hanorin                                            hanourin

hori, horiuluk                                           houri, houriuluk

horik                                                hourik

horun                                                         hourun

hosi ka husi                                               housi ka husi

lolit = soe halo nakduir iha rai                loulit

lori                                                    louri

losu                                                  lousu

mohu                                                         mouhu

molik                                                         moulik

morin                                                         mourin

moris                                                          mouris

sorin                                                 sourin

soruk                                                          souruk

tohu                                                  touhu

Ditongu hosi Portugés

          Ditongu hosi portugés ne’ebé adota mai iha dalen tetun maka (AI, EI, OI, UI, AU, EU, OU). Atu distingi katak liafuan kahorik mout no luzizmu roupa soi estrutura lahanesan. Maske liafuan rua ne’e fahe hotu ba sílaba rua, maibé ninia estrutura sílaba maka lahanesan;          

Kahorik:              mout          >       mo-ut

                                      beik            >       be-ik

                                      hameik                >       ha-me-ik

                                      hein            >       he-in

                                      seidauk      >       se-i-da-uk

                                      meik           >       me-ik

                                      foufoun     >       fo-u-fo-un

          Luzizmu              Janeiru                 >       Ja-nei-ru

                                      kadeira                >       ka-dei-ra

roupa                   >       rou-pa  

torneira      >       tor-nei-ra

kauza                   >       kaú-za

proveitu     >       pro-vei-tu

feudu                   >       feu-du

kaixa          >       kái-xa

fauna                   >       fáu-na

apoiu                   >       a-poi-u

mongoloide        >       mon-go-lói-de

Letra /o/ ka /ou/

 /O/   > /o/ solitária = mesak  nafatin /-o/

                                            la’o, la’ós, hodi, borus, bosok,

                                            oras, soi, mós, monok, no, nó, ona

                                      oioin, Timoroan, pronúnsia, konsoante nst.

            > /o/ naruk ka /o/ kaduak tuituir malu mosu iha liafuan ida :

                                      book, boot, dook, emboot, foos, haloot, hamrook,  loos, loloos, moos, laloos, matroos, natoon, reen-toos nst.

            > /o/ ditongu ou ho son [o].

                                      Doutór, doutora, kalabousu, kouve, krioulu, louva, louvór.

VII.  Letra Monok

       Letra sira ne’ebé sempre monok  iha alfabetu dalen portugés adota mai tetun mak tuirmai: /C/, /H/ no /P/.  Bainhira muda ba tetun halakon tiha grafema ida lian-laek sira ne’ebé mensiona iha leten hanesan naktuir iha ezemplu.

          Portugés                                tetun

          habitante                                abitante

          harmonia                                armonia

          habitante                                abitante

          habilidade                              abilidade

horário                                             oráriu

hospital                                  ospitál

          hotel                                       otél

          acção                                                asaun

          actividade                              atividade

          reacção                                   reasaun

          direcção                                  diresaun

          eléctrico                                 elétriku

          adopta                                              adota

          baptista                                   batista

          baptismo                                batizmu

          Egipto                                              Éjitu

Formasaun Liafuan

 Haree hosi aspetu kuantidade liafuan nian, ita klasifika liafuabn sira ne’e ba grupu rua hanesan naktuir mai ne’e:

A. Formasaun liafuan kahidak;

            Formasaun liafuan kahidak signifika liafuan ida mak hamriik mesak ho sentidu ida no refere ba objetu ida.

Ezemplu:

            -  fatuk,

             - besi

             - rai

             - uma,

             - etu

             - ta’a

             - taha

             - kanuru

             - bikan

              - kanedok

              - kabasuk

              - salurik

              - nádega

              - étniku

              - kurríkulu

              - hamoos

              - pasta

Formasaun liafuan kompostu = katutan, katetek ka kadoel

        Formasaun liafuan kompostu signifika forma lianfuan rua ho ifen (-) mak sai liafuan ida de’it ho sentidu ida no refere ba objetu ida.

Ezemplu :

                     - masin-midar

                     - masin-meer

                     - faru-mutin

                     - bikan-fatuk

                     - fuuk-naruk

                     - ulun-molik

                     - livru-tuan

                     - uma-du’ut

                     - ida-ne’e

                     - manu-tali

                     - kuda-tali

                     - fuan-kanek

                     - laran-kanek

                     - ain-aat

                     - régua-ai

                     - bikan-fatuk

                     - sana-fatuk

 - hirak-ne’e

-         ai-fuan

-         ai-funan

-         ai-daak

-         ai-sanak

-         ahi-klaak

-         ahi-matan

-         ai-tarak

-         ain-tuur

-         ain-tuba

-         liman-fuan

-         liman-sikun

-         liman-tane

-         manu-tali

-         manu-ain

-         bibi-ain

-         tali-husar

-         husar-ku’ak

-         fuuk-mean

-         fuuk-mutin

-         fuuk-kribun

-         fuuk-naruk

-         na’an-uat

-         na’an-ruin

-         na’an-rahun

-         na’an-sona

-         na’an-maran

-         na’an-tokir

-         na’an-dois

-         bola-baskete

-         polísia-feto

-         rai-aas

-         rai-bokur

-         rai-kle’an

-         rai-inur

-         rai-henek

-         rai-fuik

-         rai-ku’ak

-         surat-kalén

-         surat-kontratu

-         tanis-teen

-         Tasi-Timór

-         tasi-mane

-         tasi-lidun

-         tuuk-oan

-         tua-mutin

-         tudik-tahan

-         ulun-boot

-         ulun-bulak

-         ulun-fatuk

-         ulma-han

-         uma-justisa

-         uma-lulik

-         uma-kakuluk

-         vidru-tahan

-         xapa-matríkula

-         xave-fatin

-         xave-metin

-         xina-oan

-         xina-uma

-         xumasu-hako’ak

-         xumasu-ár

-         xokolate-moruk

IX. Bainhira mak atu uza letra w

           Grafema w la hola parte iha tetun-prasa nia estrutura. Iha tetun antigu no tetun- terik koñese konsoante w (wé) nia nakfilak ba B iha tetun-nasionál. Mudansa ida-ne’e mosu iha sékulu da-18 liu ba. Malae mutin sira no makdalen tetun-terik hakotu ona diferensa entre tetun-terik no tetun-prasa ka tetun nasionál hanesan  naktuir iha kuadru tuirmai ne’e:

Tetun-terik	Tetun-nasionál
Tetun-terik uza grafema W	Tetun-nasional uza grafema B
Iha verbu ho nia fleksaun	Iha verbu maibé la ho fleksaun
La hetan influénsia husi dalen seluk	Hetan influénsia husi dalen portugés
Seidauk dezenvolve	Dezenvolve hela ( iha proseseu dezenvolvimentu)
Nu’udar dialetu lokál	Kriolu

          Iha karaik ne’e hatudu lifuan tetun-terik oioin iha ne’ebé uza letra w no nakfila ba b iha tetun-nasionál, hanesan  haktuir iha tabela tuirmai ne’e:

Tetun-terik	Tetun-nasionál
Waikenu	Baikenu
Wailoro	Bailoro
Wain (tempu)	bain (tempu)
Wa’in	ba’in (boot)
Wainhira	Bainhira
Waka	Baka
Wani	Bani
wani-uma	bani-uma
wani-ween	bani-been
Wee	Bee
asuwa’in	asuba’in
Awan	Aban
Haweer	Habeer
Lawarik	Labarik
Serwisu	Serbisu
Susuween	Susubeen

          Amululik sira no emar seluk ne’ebé tradús Biblia no Santa Liturjika ba tetun, maske uza Tetun-Prasa, buka atu hafutar testu ho liafuan antigu oioin ne’ebé sira hadada hosi Tetun-Terik. Ho  nune’e tetun liturjiku uza barak liu grafema W.

          Maske fahe tiha ona idaidak nia ‘area maibé  sei iha esesaun katak  iha liafuan balun husi Tetun-Terik tenke ita uza iha Tetun-Nasional tanba liafuan sira ne’e ladun koñese husi sosiedade  tomak. Purezemplu: kmanek wa’in, asuwa’in nst.

          Letra w uza bainhira presiza no nesesita atu uza duni. Maibé presiza ita destingi  diferensa entre Tetun-Terik ho Tetun nasionál, atu nune’e ita bele uza tuir padraun ita ke loosmaske iha esesaun .Ne’e normal tuir siénsia dalen nian.

X. Bainhira atu uza ifen?

          Ifen nu’udar sinál grafema dalen nian ne’ebé hatutan liafuan katetek ka kadoek (kompostu ) sira hanesan (paun-rahun, hanoin-hetan uma-moras, fó-sai) nst., mós hola parte iha grafia loloos dalen tetun nian.Baibain ifen serve atu tutan liafuan rua ne’ebé mai husi klase lahanesan hodi forma liafuan foun ida ne’ebé refere ba klase foun mós hanesan bani-been = Portugés mel no malaia madu , midar-siin = modo-been oin ida.

         

          Liafuan  katetek tuir loloos katak ita bele tutan liafuan rua ho ifen hanesan tuirmai ne’e:

1)   lubun naran + adjetivu, nu’udar ezemplu (n.e.)

laran-di’ak, mina-morin, aten-barani uma-moras, midar-siin

Ita  koko forma fraze ho liafuan katetek sira ne’e hodi hatene kle’an liu liafuan sira ne’e nia sentidu.

Ezemplu:

a)    Labaraik sira laran-di’ak tebtebes fó fila há’u-nia karteira.

b)   Luiza ho Julia uza mina-morin tanba sira atu ba festa.

c)    Sira aten-barani hasoru ema aat sira ne’e.

d)   Ema barak tebtebes mak ba konsultasi iha uma-moras.

e)    Modo loron manas nian mak midar-siin.

2)   Lubun naran + naran, nu’udar ezemplu (n.e.)

ai-kakeu, hudi-laran, oan-feto, derok-been karau-inan

Ezemplu:

a)    Ai-kakeu sira ne’ebá mesak loloos de’it.

b)   Aldeia Hudi-laran  besik Bairupite.

c)    Ita-nia oan-feto eskola iha  Portugál.

d)   Bainhira ba han meiu-dia hemu mós derok-been.

e)    Karau-inan boot ne’e monu mate iha ne’ebá.

3)   hun verbu + verbu, nu’udar ezemplu (n. e)

buka-hatene, hanoin-hikas, haree-hetan, fó-hatene, fó-sai

Ezemplu:

a)    Joven sira buka-hatene lia-loos ba mamosuk ne’e

b)   Ami hanoin-hikas matebian Karlus nia hahalok.

c)    Sira haree-hetan nibiru iha rai súl Australia nian

d)   Profesór fó-hatene ba sira atu tuir konkursu atu eskola iha estranjeiru.

e)    Ami fó-sai informasaun ba públiku hahú horseik.

4)   Espreasaun reduplikativa sira hanesan tuirmai.

tinan-tinan, hotu-hotu, uma-uma, loron-loron

Ezemplu:

a)    Tinan-tinan ita komemora loron independénsia Timór-Leste nian.

b)   Ami hotu-hotu iha korajen atu estuda iha estranjeiru

c)    Loron-loron ami tenke lee livru ida.

5)   Katuir pronominál tuirmai ne’e hakerek mós ho ifen, hanesan iha karaik ne’e:

ha’u-nia                        ha’u-nia                        Ita-Boot

ó-nia                              ó-nian                                     ha’u-ata

ita-nian                         ita-nian                         atan-ha’u

ami-nian                       ami-nian             

imi-nia                                    imi-nian

sira-nia                                   sira-nian

Klik Link Kontinua  Ba Baluk Da Toluk (https://lolataimocho.blogspot.com/2019/06/improviza-liafuan-tetun-tuir-ortografia.html)