Kategoria Gramatikál

BALUK DAHAAT

KATEGORIA GRAMATIKÁL

Klase liafuan nian

Liafuan sira agrupa iha klase oioin: naran ka substantivu, pronome, adjetivu, verbu, advérbiu, prepozisaun, numerál sira, konjunsaun, interjeisaun no kuantifikadór sira.

Ezemplu klasifikasaun liafuan nian tuirmai ne’e:

1. La esiste siénsia se laiha dúvida

Adv verbu naran konjunsaun advérbiu. naran

2. Labarik ki’ik tama iha uma

Naran adjetivu verbu prepozisaun naran

Tuirmai klasifikasaun liafuan nian tuir idaidak nia kategoria hanesan haktuir iha karaik ne’e:

1 Substantivu (naran)

a) Naran komún; refere ba sasán sira ne’ebé komún ka universal liu.

Ezemplu: tasi, foho, artigu, problema, ema

b) Naran própriu: refere ba ema, instituisaun, rai ka sidade nia naran;

António, Pedro, Dili, Baukau, Prezidente Santino, Banku Nasionál, UNTL, UMPAS

c) Naran simples: karau, asu, domin, demokrasia, doutrina, informasaun, ai-fuan,

d) Naran kompostu/katetek (kadoek): refere ba liafuan rua mak hajunta ho ifen (-) hodi forma sentidu ida de’it no mós hatudu objetu ida de’it:

masin-midar, tua-siin, lia-foun, tasi-ibun, manu-tali, bani-been, laran-sa’e,

hariis-fatin, uma-moras, mane-foun, midar-siin nst.

e). Naran koletivu

Konjuntu sasán, ema lubun, tipu animál oin ida-ne’ebé moris hamutuk iha fatin hodi hanaran naran koletivu (turma, família, aldeia, suku, luhan). Liafuan sira ne’e hatudu konjuntu emar, sasán, ka animál sira nu’udár unidade ki’ik ne’ebé forma liafuan naran koletivu.

a) Naran konkretu no abstratu:

Naran konkretu refere ba sasán sira ne’ebé bele haree no karek, hanesan kadeira, meza, uma, lapis, uma, ema nst.

Naran abstratu hatudu ba sasán sira ne’ebé labele haree no labele kaer, hanesan: hanoin, domin, Maromak, demokrásia nst.

Funsaun kategoria substantivu ka naran pozisiona nia an nu’udar sujeitu no mós komplementu iha konstrusaun fraze nian laran.

Ezemplu:

1) Antóniu bá vizita nia kolega iha ospitál.

2) Pedru sosa karau iha Oekusi.

3) Sira na’in rua nia domin sei la namkore arbiru.

4) Maromak lia tun ba ema dehan, grasa wa’in ba imi sira be la haree.

5) Ami hakat liu mota mota Loes, bainhira ba Maliana.

2. Pronome

a. Pronome emak/pesoál

Normalmente pronome emak ida dalen ne’ebé de’it iha mundu fahe ba parte rua, inklui mós dalen tetun hanesan haktuir iha karaik ne’e:

1. Pronome emak Kahidak (Singulár)

1) da-1 Ha’u

2) da-2 Ó /Ita

3) da-3 Nia no (Ita-Boot mós nu’udar pronome emak da-3 kahidak

tanba hatudu ema ida de’it).

2. Proneme emak Kabasuk (Plurál)

1) da-1 Ami

2) da-2 Imi

3) da-3 Sira no (Ita-Boot sira mós nu’udar pronome emak da-3 plurál

nian tanba hatudu ba ema barak)

Pronome emak nia funsaun mak nu’udar sujeitu ka autór no mós sai komplementu indiretu iha konstrusaun fraze nia laran bainhira pozisiona iha komplementu diretu nia kotuk.

Ezemplu:

1) Ha’u estuda hela iha biblioteka.

2) Nia hola kamiza ba ha’u-nia naan.

3) Sira ne’ebá mesak profesór de’it.

4) Imi sira ne’e tenke lee makaas hodi bele hetán valór boot.

5) Ami bá Baukau aban dadeer.

b. Pronome posesivu/Adjetivál

Iha dalen tetun rekoñese Pronome posesivu /adjetivál rua:-Nia/Nian. “Ninia” nu’udar forma baibain “nia” ne’ebé iha aplikasaun sai hanesan klítika ne’ebé hakerek ligadu ho pronome emak ho razauan katak forma ida-ne’e refere ka indika ba ema, autór ka sujeitu la’ós ba sasán ne’ebé nu’udar komplementu.

Ezemplu:

1) Ne’e ha’u-nia lapis.

2) Ida kamiza mutin ne’ebá ami-nia primu.

3) Ne’ebá sira-nia karreta.

4) Ida ain aas ne’e ita-nia maun-alin koran.

5) Karik loos, ida-ne’e ha’u-nia família

“Ninian” nu’udar forma baibain “nian” katak bainhira uza iha estrutura fraze nia laran hatudu ba sasán ne’ebé konsidera nu’udar komplementu. Forma daruak nian ne’e hakerek la presiza liga ho ifen (-) tanba nia la muda ho sistema derivadu ida.

Ezemplu:

1) Lapis ne’e ha’u nian.

2) Karau aman boot ne’ebá sira nian.

3) Uma ne’ebá señór nian.

Baseia ba esplikasaun badak ne’e ba estudante mak makdalen sira keta konfundi bainhira ita estuda forma rua ne’e iha pronome maksoik sira ne’ebé ko’alia kona-ba atributivu no predikativu.

3. Adjetivu

Ekivalente iha tetun ba adjektivu nu’udar verbu adjetivál ho nia subkategoria adjetivu derivadu. Adjetivu derivadu ne’e forma hosi naran no verbu mediante ba akréximu ka tautan sufiksu ida atu nune’e bele sai restritu liu iha respeitu ba nia funsionamentu.

Adjetivu > Kategoria liafuan ne’ebé refere ba situasaun no kondisaun kona-ba

sasán ka ema ruma nia karaterístika:

- Kondisaun: > manas, malirin

- Situasaun : > boot, ki’ik, bokur, krekas, aas, badak, nst.

Adjetivu báziku sira

Horiuluk adjetivu tetun barakliu hetan forma ho prefiksu ma-, m- selae sufiksu –k, no dala ruma mós ho sirkunfiksu ma – k. Tetun modernu se soi adjetivu barak ho afiksu hirak tuirmai ne’e:

1. ma-k, m-k

matenek mamuk malahuk

makerek matak moruk

mesak merak

2. ma-

manas moris mutin

malirin moos mean

moras maus mihis

midar morin mahar

mamar mak’aas metin

maran metan meer

3. – k ki’ik badak tasak

maruk kosok beik

di’ak nurak fuik

furak bulak seluk

Ita bele haree fafutuk estruturál entre adjetivu no verbu sira iha banati oioin henesan:

Verbu adjetivu

matene matenek

mate matek

halirin malirin

haka’as maka’as

hahoris moris

lanu lanuk

Husi parte seluk dalen tetun modernu soi mós adjetivu lubun ida ne’ebé lakon tiha ona afiksu kahorik tradisionál sira hanesan: aat, aas, tuan, loos, todan, tebes, fo’er, luan nst.

Adjetivu Hadadan sira

Dalen tetun iha adjetivu hadadan (derivadu) katak adjetivu sira ne’ebé hadadan husi baze klase substantivu. Adjetivu hadadan nu’udar rikusoin boot ida iha dalen tetun. Adjetivu hadadan barakliu hetan forma ho sufiksu –k no mós balun mosu ho sirkunfiksu k- k hanesan iha karaik ne’e:

Substantivu Adjetivu

modo modok

funa-(n) funak

rai kraik; raik (rai nain)

asu asuk

ama-(n) amak

ina-(n) inak

mane kamanek

feto fetok

raa-(n) raak

ulu-(n) uluk

bee beek

monu monuk

rona-(n) “naroman” Maromak (ida-ne’ebé

haroman rai)

Makerek dalen tetun aproveia mekanizmu katemik iha leten ba ne’e hodi forma adjetivu lubun foun hodi troka ka komplementa liafuan-empresta sira iha ita-nia dalen. Iha kuadru tuir mai ami haleat neolojizmu balu ne’ebé hadada husi hun substantivu:

Substantivu	Adjetivu Foun	Luzizmu
Tasi	Tasik	mariñu (tasi nian)
laleha-(n)	Lalehak	selestiál (lalehan nian)
Loro	Lorok	solár (loro/loron nian)
fula-(n)	Fulak	lunár; mensál (fulan nian)
fitu-(n)	Fituk	estrelár, astrál (fitun nian)
kala-(n)	Kalak	noturnu (kalan nian)
tina-(n)	Tinak	anuál (tinan nian)
uda-(n)	Udak	pluviál (udan nian)
Ahi	Ahik	igneu (ahi nian)

Ema	Emak	umanu (ema nian)
ao-(n)	Oak	filiál (oan nian)
mau-(n)-ali-(n)	mauk-alik	fraternu (maun-alin nian)
liurai	Liuraik	reál (liurai nian)
Dato	Datok	nobre, aristokrátiku (dato nian)
nara-(n)	Narak	nominál (tuir naran)
balada	Baladak	animál (balada nian)
Busa	Busak	felinu (busa nian)
Kuda	Kudak	ekuinu (kuda nian)
Bibi	Bibik	kaprinu (bibi nian)
isi-(n)	Isik	korporál (isin nian)
oi-(n)	Oik	fasiál (oin nian)
ibu-(n)	Ibuk	orál (ibun nian)
neha-(n)	Nehak	dentál, dentáriu (nehan nian)
tilu-(n)	Tiluk	aurál (tilun nian)
inu-(s)	Inuk	nazál (tilun nian)
lima-(n)	Limak	manuál (liman nian)
lia-(n)	Liak	vokál (lian nian)
dale-(n)	Dalek	linguístiku (dalen nian)
neo-(n)	Neok	mentál (neon nian)
dame	Damek	pasífiku (dame nian)
Funu	Funuk	béliku (funu nian)
Uma	Umak	doméstiku (uma nian)
fati-(n)	Fatik	lokál (fatin nian)
sori-(n)	Sorik	laterál (sorin nian)
lara-(n)	Larak	internu, interiór (laran nian)
klara-(n)	Klarak	médiu, sentrál (klaran nian)
le’u-(n)	le’uk	sirkulár (le’un nian)

Adjetivu Sorun no Negativu Sira

Adjetivu kontráriu ba negativu forma husi tutan prefiksu la- :

Adjetivu-hun	Prefiksu	Adjetivu sorun
di’ak	la-	ladi’ak (aat)
Loos	la-	laloos (bosok, falsu)
Furak	la-	lafurak (aat, oin-aat)
Susar	la-	lasussar (mamar, fasil)
Kleur	la-	lakleur (lais)
Tebes	la-	latebes (insertu)
Jeitu	la-	lajeitu (inkompetente)
eskola	la-	laeskola (ignorante)
hakmatek	la-	lahakmatek (laran-nakali)
belek	la-	labelek (imposivel)
beluk	la-	labeluk (ladun oin na’in

Adjetivu Maderak (Privativu) sira

Iha dalen tetun mós konsidera –laek nu’udar sufiksu maderak hodi tutan ba liafuan hun substantivu ka verbu ba forma adjetivu ida-ne’ebé “hedera” ka mai husi substantivu-hun kan verbu-hun nia kualidade baibain, hanesan naktuir iha karaik ne’e:

Hun substantivu/verbu Adjetivu maderak

moe moe-laek

ta’uk ta’uk-laek

rohan rohan-laek

sala sala-laek

ukun ukun-laek

anin anin-laek

domin domin-laek

fiar fiar-laek

fuan fuan-laek

osan osan-laek

moras moras-laek

oan oan-laek

serbisu serbisu-laek

Adjetivu Kadoek Sira

Adjetivu kadoek (adjetivu seriál) ne’e nu’udar adjetivu katetek ida-ne’ebé hakohak liafuan rua, (ida husi naran no ida seluk husi adjetivu) sai adjetivu kadoek hanesan tuirmai ne’e:

Adjetivu kadoek (tetun) Adjetivu simples (Portugés)

laran-luak generoso

ulun-toos teimoso

ulun-mamar esperto

laran-makerek hipócrita

laran-fo’er perverso

matan-moris atento

oin-aat feio

laran-taridu perplexo

ain-badak baixo

4.Verbu

- Báziku (Liafuan verbu báziku ne’ebé seidauk heta afiksasaun) Ezemplu: han, hemu, la’o, tuur, baku, fahe, lori nst.

- Kompleksu (Liafuan verbu no adjetivu hetan afiksasaun hanesan : prepiksu, sufiksu no sirkunfiksu). Ezemplu: hatuur, nakfahe, habokur, belek, hemun, dalen, makdalen, hasolok, haksolok nst.

Atu ita bele hatene kle’an liu kona-ba verbu kompleksu mai ita haleat hamutuk detallu sira. Verbu hafahe ba parte hirak tuirmai ne’e:

1. Verbu kauzativu forma husi prefiksu ha-ho variasaun: ha-,hak-,no ham-,

Exemplu:

1) Keta hamati ahi ne’e.

2) Estudantes sira ne’e sei hakfahe ba grupu neen.

3) Keta hamtauk ema sira ne’e.

4) Sira haksolok tebes bainhira portugál manan jogu.

5) Timoroan sira haktemik tuir konstituisaun nia hateten.

Verbu Kauzativa tranzitivu ka intranzitivu harii husi prefiksu ha- ho variasaun

hak- hanesan naktuir mai ne’e: (haktemik, hakfuik, haksumik, hakbadak,

hakfuik).

Ezemplu:

1) Ita-Boot labele haktemik buat hirak ne’e.

2) Mane sira hakfuik loos, bainhira hetan buat di’ak ruma.

3) Molok ita hotu haksumik an iha fatin ne’e, keta haluha agradese ba Na’i Maromak.

4) Tanba dezastre ema sira ne’e hakbadak tiha sira-nia vida.

5) Progrma hakmatak rai hahú fulan oin.

Verbu kauzativa maktulun harii husi verbu rua ne’ebé liga ho ifen sai verbu katetek (kompostu) ho sentidu foun. Verbu maktulun sira mak tuirmai ne’e: ( fó-hatene, fó-sai, fó-hanoin)

Ezemplu:

1) Keta fó-hatene lai informasaun ne’e ba povu ki’ik sira.

2) Labele fó-sai informasaun kona-ba mamasok ne’e molok hetán evidensia natoon.

3) Profesór sira fó-hanoin ba estudantes atu estuda didi’ak hodi hadia futuru.

4) Sira na’in rua fó-sasin ba mamosuk 12 Novembru liu ba.

Verbu Kauzativa derivada/u harii husi prefiksu na- ho variasaun nak- ho nam hanesan haktuir mai ne’e: (doko sai nakdoko, kore sai namkore ).

Ezemplu:

1) Semana liu ba rai nakdoko maka’as tebtebes iha polu súl ne’ebá.

2) Kuda nia talin ne’e namkore mesamesak.

3) Ai-tahan sira ne’ebá namlaik hotu ona.

4) Iha tempu primavera ai-tahan sira namtate hotu.

2. Verbu inkoativu forma hosi prefiksu na- ho variasaun: na-, nak-,nam-,

( namasas, nabadak, nahisin).

Ezemplu:

1) Populasaun sira ko’alia namanas mamosuk nibiru ba tinan 2013.

2) Hudi ramu ida-ne’ebá sedauk nahisin.

3) Roupa sira ne’e naklees hotu ona.

4) Dezastre boot ne’ebé sei mosu mai halo ita halai namkari arbiru de’it.

3. Verbu dinámika > forma/harii hosi prefiksu hak- ( hakbaruk, hakbesik,

hakfodak, hakmatek) nst. Verbu ne’e hamosu sentidu agresivu ka halo prevensaun ba asaun ruma.

Ezemplu:

1) Ita-nia atitude ne’e bele hakbaruk ema barak nia anímu.

2) Maske nu’udar sala na’in, maibé hakbesik nafatin ba Na’i Maromak.

3) Keta hakfodak demais ba sasán mundu nian.

4) Bainhira ema hotu moris hakmatek ita bele rezolve problema.

5) Keta halo nia hakfodak demais bele provoka tensaun.

4. Verbu intensivu ne’ebé forma hosi sirkunfiksu ; hak-k selae ham-k

(hakmatak, hamsonak, hakbetek, hakla’ok) nst. Verbu ne’e hatudu sentidu asaun nian ne’ebé transforma husi objetu ruma nia kondisaun.

Ezemplu:

1) Programa hakmatak rai liuhusi rearvorizasaun hahú hala’ó.

2) Sira hamsonak (hamanas) hahan malirin sira.

3) Hahan bokur bele hakbetek (habadak) ema

4) Maria hakbetik (hasai) tiha hare musan sira iha foos.

5) Se imi hadeer demais bele hakbetok (oin-ku’ak) imi-nia hasan.

6) Katuas sira hakla’ok (halo ativu)sira nia hanaoin beibeik ba labarik sira.

Alénde prefiksu ; ha-,na-, ho nia variasaun, iha mós seluk hanesan : prefiksu reduplikativu: la-, sa-, ta-, fa-,ma-, ka-, (laleban, sasemok, tatemik, fafihir mamosu, momoos, katemik ) nst.

Ezemplu:

1) Sé mak sunu tiha ha’u-nia ai-laleban ne’e.

2) Se nia la eskola sei sai ema ai-leban ida ba mahukun sira.

3) Rai nakaras tiha ona mak sasemok rua hafoin liu ba.

4) Liafuan tatemik ne’e nu’udar predikadu mós.

5) Kamiza mutin ida-ne’e nu’udar ha’u-nia fafihir.

6) Dalen tetun nu’udar parte ida mós husi fafutuk Austronézia.

7) Espetákulu ne’e fó-hanoin hikas ba ita kona-ba mamosuk loron 12 fulan-Novembru 1992.

8) Trajedia Santa Krús nu’udar mamosuk ida ne’ebé hafanun komunidade internasionál nia neon ba povu Timór nia luta.

9) Hatudu momoos mai ita katak governu halo deskriminasaun.

Prefiksu ajentivál mak- + verbu ka naran seluk harii ka forma liafuan hanesan (makdalen, maksemok, mahemun malee, mahan nst).

Ezemplu:

1) Iha Timor-Leste makdalen Lolein hela oitoan de’it ona.

2) Maksemon númeru 4890 ba diresaun Timor-Leste sai daudauk ona.

3) Labarik ne’ebá nu’udar makleban modo nian.

4) Alunu sira ativu tuir aula tanba manorin ne’e badinas.

5) Tua ne’e siin oitoan, tanba halo mahemu sira la gosta hemu tan.

Iha dalen tetun mós eziste sufiksi hanesan kahorik rua: -n ho k. Sufiksu -n ne’e forma liafuan naran ka substantivu no sufiksu –k forma liafuan adjetivu hodi hatutu karaterístika sasan ida nian.

Sufiksu -n > hodi forma liafuan substantivu hanesan (leban, dalen hemun, sonan) nst.

Ezemplu:

1) Labarik nia leban ai-farina nia tahan.

2) Hemun ne’e mesak kafé.

3) Semon ida mai ne’ebá sasemon Merpati.

4) Sonan ne’ebá saida?

Sufiksu –k > hodi forma liafuan adjetivu hanesan ( lorok, belek, barik, futuk, kesik) nst.

Ezemplu:

1) Lorok ida ohin lorn manas.

2) Nia nu’udar ema belek iha área informátika

3) Ai futuk ida-ne’ebá boot loos.

4) Kesik ida hanesan ne’ebá la metin.

Alénde sufiksu kahorik tetun mós adota sufiksu luzizmu: -saun, ho -mente, > izmu mosu iha liafuan hanesan (orientasaun, asaun, somente, diretamente) nst.

Ezemplu:

1) Diretór nia orientasaun ne’e di’ak tebtebes.

2) Organizasaun ne’e foin mak harii iha fulan Marsu liu ba.

3) Sira ne’e somente halo trosa de’it labarik sira.

4) Ami ba diretamente Lospalos.

5) Sira-nia profisaun mak kontabilista.

5. Numerál Sira

Numerál kardinál nu’udar numerál báziku, tanba hatudu hahirak ka kuantidade ba sasán ruma ninian. Iha lia-tetun numerál sira tuir sistema nuluk (desimál), katak númeru sanulu mak hun. Lian sira-ne’ebé uza sistema nuluk mak dalen Portugés, Inglés, Malaiu no dalen rai-na’in seluk balu iha rain Timór, ézetu dalen Mambae dialetu tasi-mane, Tokodede no Naueti ne’ebé uza fali sistema numerál limak ou kináriu nu’udar sistema tuan liu ( hosi emar Papua sira iha tinan rihun haat liubá) hosi sistema nuluk.

Iha dalan tolu mak hodi hakerek numerál kardinál:

1. Nu’udar liafuan; ida, rua, tolu, haat, lima, neen, hitu, ualu, sia, sanulu, sanulu-resin-ida, sanulu-resin-sia, ruanulu-resin-rua, ualunulu-resin-tolu, atus ida-resin-ida, atus rua ruanulu-resin-neen, atus ualu ualunulu-resin-ualu, rihun ida sanulu-resin-ida nst.

2. Nu’udar algarizmu Indu-Árabe;

a. Sifra kahidak: 1, 2, 3, 4, 5, 6, 7, 8, 9,

b. Sifra katetek: 10, 13, 29, 67, 78, 84, 98, 101, 1.117, 15.000 nst.

3. Nu’udar algarizmu Romanu; I, II, III, IV, V, VI, VII, VIII, IX, X, XI, XII, XIII, XIX, XX, XXIX, XXX, XXXIX, XL, L, LI, LII, LIII, LIV, LV, LVI, LVII, LVIII, LIX, LX, LXX, LXXX, XC, C, CX, CXX, CXXIX, CXXX, CXXXI, CXXXIX, CXL, CL, CC, CCC, CD, D, DC, DCC, DCCC, CM, M, MCX, MCXXI, MCD nst.

Bainhira ita atu hakerek numerál kardinál indu-árabe tuir klasifikasaun sekensiál, mak sei fahe ba:

Numerál báziku:

1 ida 6 neen

2 rua 7 hitu

3 tolu 8 ualu

4 haat 9 sia

5 lima 0 zero

Numerál nuluk (dezena):

10 sanulu 60 neenulu

20 ruanulu 70 hitunulu

30 tolunulu 80 ualunulu

40 haatnulu 90 sianulu

50 limanulu

Numerál katetek sira ho liafuan-maktulun – resin- iha klase dezena nian:

11 sanulu-resin-ida 66 neenulu-resin-neen

22 ruanulu-resin-rua 77 hitunulu-resin-hitu

33 tolunulu-resin-tolu 88 ualunulu-resin-ualu

44 haatnulu-resin-haat 99 sianulu-resin-sia

55 limanulu-resin-lima

Numerál sentena sira no ba leten:

100 atus ida 1.000 rihun ida

200 atus rua 2.000 rihun rua

300 atus tolu 3.000 rihun tolu

400 atus haat 4.000 rihun haat

500 atus lima 5.000 rihun lima

9.000 rihun sia

10.000 reben ida

100.000 tokon ida

1.000.000 miliaun ida

Numerál katetek sira ho liafuan-maktulun -resin- iha klase sentena no

Miliaun nian.

101 atus ida-resin-ida ka atus ida ida

106 atus ida-resin-neen atus ida neen

201 atus rua-resin-tolu atus rua ida

217 atus rua sanulu-resin-hitu atus rua sanulu-resin-hitu

407 atus haat-resin-hitu atus haat hitu

802 atus ualu-resin-rua atus ualu rua

909 atus sia-resin-sia atus sia sia

110 atus ida sanulu

115 atus ida sanulu-resin-lima

130 atus ida tolunulu

370 atus tolu hitunulu

147 atus ida haatnulu-resin-hitu

1.111 rihun ida atus ida sanulu-resin-ida

2.222 rihun rua atus rua ruanulu-resin-rua

9.999 rihun sira atus sia sianulu-resin-sia

Klasifikadór numériku -na’in

Bainhira ita uza númeru kardinál ida hamutuk ho substantivu haktemik (refere ba) ema ida, tenke tutan ho klasifikadór na’in ba numerál ne’e. Forma ho ifen na’in tutan ba de’it numerál sira ne’ebé hakohak ka hakohan elementu ida de’it; bainhira numerál kardinál haklohan elementu rua ka liu ita tutan de’it ho na’in, lahó ifen.

Ezemplu:

- ema na’in-tolu

- feto na’in-haat

maibé

- ema na’in sanulu-resin-ida.

- feto na’in ruanulu-resin-hitu.

Maske nune’e, bainhira ita emprega algarizmu de’it, bele uza na’in- (ho ifen) iha kazu hotu-hotu.

Ezemplu:

- ema na’in-11

- feto na’in-27

- mestre na’in-450 no mestra na’in-237.

Algarizmu Romanu Sira

To’o sékulu da-11 povu rai-Europa nian hatene de’it algarizmu ne’ebé Romanu sira inventa, kala molok tinan rihun ida. Ohin loron fali ita hotu-hotu barakliu uza mak algarizmu indu-árabe ka indu-arábiku. Árabe moru sira maka hatama sistema ne’e ba rai-España no Portugál iha sékulu da-10 liutiha Kristu (LK), hafoin sistema indu-árabe ne’e naklekar iha Europa tomak. Portugés sira maka lori sistema indu-árabe mai iha rai-Timór. Algarizmu Romanu sira ita uza de’it nu’udar enfeite selae bainhira presiza ba sistema alternativu hodi kontrasta ho algarizmu indu-árabe sira.

Algarizmu romanu hotu bazeia ba letra boot (maiúskula) hitu alfabetu latinu nian, maka:

I = 1

V = 5

X = 10

L = 50

C (centum) = 100

D = 500

M (mille) = 1.000

Faktu interesante ida mak símbolu V Romanu sira adota atu reperezenta númeru lima (5) tamba hanesan liman nakloke ida ho liman-fuan lima.

Algarizmu Romanu sira bazeia sistema limak ka kináriu ho forma:

Indu-Árabe Romanu Indu-Árabe Romanu

1 I 11 XI

2 II 12 XII

3 III 13 XIII

4 IV 14 XIV

5 V 15 XV

6 VI 16 XVI

7 VII 17 XVIII

9 IX 19 XIX

10 X 20 XX

21 XXI 200 CC

29 XXIX 350 CCCL

30 XXX 485 CDLXXXV

35 XXXV 500 D

38 XXXVIII 600 DC

40 XL 700 DCC

46 XLVI 800 DCCC

50 L 900 CM

60 LX 1.000 M

70 LXX 1.111 MCXI

80 LXXX 2.000 MM

90 XC 2.555 MMDLV

100 C 3.000 MMM

. Numerál ordinál

Numerál ordinál sira hatudu númeru sira-nia orden ka relasaun ba malu. Atu hakerek numerál ordinál sira soi forma tolu mak hanesan:

1. Nu’udar liafuan tetun kahorik; dahuluk, daruak, datoluk, dahaat, dalimak, daneen, dahituk, daualuk, dasiak, dasanuluk, dasanulu-resin-idak, dasanulu-resin-ruak, dasanulu-resin-toluk, dasanulu-resin-haat, daruanuluk, datolunuluk, dahaatnuluk, dalimanuluk nst.

2. Nu’udar liafuan luzizmu (hosi dalen Portugés): primeiru, segundu, terseiru, kuartu, kintu, sestu, sétimu, oitavu, nonu, désimu, désimu-primeiru, désimu-segundu, désimu-terseiru, désimu-sétimu, vizézimu, vizézimu-nonu, trizézimu, trizézimu-kintu nst.

3. Nu’udar abreviatura ho prefiksu da- + algarizmu Indu-Árabe; da-1, da-2, da-3, da-4, da-5, da-6, da-7, da-8, da-9, da-10, da-11, da-12, da-20, da-100, da-150, da-199 nst.

Ezemplu: Timór Lorosa’e sai membru Nasaun Naklibur sira da-199.

. Numerál indefinidu

Numerál indefinidu sira hatudu hahirak ida-ne’ebé la hatene totalidade nian loloos, la’ós hanesan hahirak tebes nian hanesan numerál kardinál sira.

Ezemplu: barak (basuk), barakliu, hotu, hotu-hotu, liután, oitoan, atus-ba-atus, rihun-ba-rihun, natoon, dahuluk, dahikus) nst

Ezemplu:

1) Sasan sira ne’e barakliu karreta la bele tula.

2) Ema atus-ba-atus mak tuir manifestasaun iha loron ne’ebá.

3) Ami lori sasan natoon de’it ba semana ida.

4) Rai-henek ne’e oitoan liu.

5) Sira mak nu’udar ema dahikus nian.

Númeru koletivu

Númeru koletivu nu’udar ida-ne’ebé hatudu totalidade grupu nian hanesan: (nuluk, atus, rihun, reben, batain) nst.

Ezemplu:

1) Agrikultór ne’ebá iha karau atus-rua.

2) Emprezáriu lokál sira nia konta bankaria bele atinji reben-ida.

6. Prepozisaun

Prepozisaun maihosi lia-latin praepositio, katak buat ne’ebé hatuur ka tau iha oin ba naran ruma. Iha sistema gramatikál prepozisaun serve atu liga konstituente rua hosi fraze ida nian ka nu’udar elementu ida ne’ebé hatudu komplementu fatik.

Prepozisaun iha dalen tetun hanesan subkategoria hosi verbu; prepozisaun kahorik ka nativu soi origem verbál.

Prepozisaun	Signifikadu	Signifikadu verbál
ba	Para	bá (ir para)
banati-tuir	da-2 tuir hakarak (konforme)	imita tuir modelu
bodik	para; husi ema ida	-
dunitán	purkauzade	-
dunitanba	grasa ba
hadulas	hale’u husi	fó volta; la’o hadulas
hafoin	depoizde; após
hakat	liuhusi
haktuir	ho akordu	tuir
hale’u	fó volta husi	-
halolok	iha diresaun	-
hanesan	-	sai hanesan, hanesan ho
hasoru	kontra diresaun	-
hatutuk	direitu ba	diriji ba
ho	-	abreviatura ba hodi
hodi	husi meiu ba; ho ajuda husi	lori
hori	desde	ba husi
horikedas	ezatamente	hori + kedas
iha	-	-
kona-ba	Sobre	aserta; toka
lahó; lahodi	Sen	negativu ba ho, hodi
laiha	Sen	negativa ba iha
lato’o		negativa ba to’o
liu	após tuir	liuhusi
lihusi	através	(liu + husi)
mai		fila
molok	antesde, depoizde	-
nu’udar	-	-
seidauk	antezde	-
sikat	Entre	tama leet
tanba	husi kauza	tan + ba > ba
tuir	akordu ho	-
uluk-ba	antezde	(uluk + bá)

Liafuan sira iha leten bainhira ita hatama iha fraze balun muda nia kategoria no hamosu konfuzaun iha makdalen sira-nia neon tanba sai verbu prepozisionais. Ezemplu:

1. Amá sosa kamiza ba alin.

2. Ita hela iha uma ne’ebá.

3. Sira mai hosi Baukau.

4. Maromak fó aten-boot mai ita.

5. Feto ida mai to’o knua.

6. Nia tanis hela iha nia kuartu.

7. Sira lori nuu hirak-ne’e hosi knua ida besik Maubara.

8. Sira haksesuk beibeik ho ami.

9. Ema hotu hakarak moris ho pás.

10. Atleta sira halai tuir tasi-ibun.

11. Ita kleur ona funu hasoru injustisa sosiál.

12. Sebastiaun sei halo nu’udar imi hateten..

Prepozisaun Kahorik

Iha okos ne’e ami fo lista ida kona-ba prepozisaunsira tetun nian ne’ebé pertense ba kategoria vokábulu kahorik ho liafuan seluk, sira ne’e laos mai hosi portugés.

Ami mós hato’o iha ne’e prepozisaun sira nian fafutuk verbál bainhira forma prepozisaun nian lahanesan verbu orijinal nian.

Tetun	Portugés	Inglés	Malaiu
ba (< bá)	a, para	to; for	ke, kepada, untuk, bagi
hadulas,hale’u	ao redor de, à volta de	aroud	keliling
hakat	atraves de,	across	melewati
hanesan	Como	like	seperti
hasoru	contra; em direcção a	against, towards	menentang, terhadap
ho(< hodi) hodi	Com com, por meio de	with with, by means of	dengan dengan memakai
hosi,husi(<husik)	de, desde, por	from, by	oleh
hori,hosikedas	desde (há)	since	sejak
iha	em, a	in, on, at	di
kona-ba	acerca de, sobre	about, concerning	tentang,mengenai
Lahó ( <la hodi)	Sem	without	tanpa
laiha (< la iha)	Sem	without	tanpa
lato’o	menos que	less than	kurang dari
liu	Após	following	menyusul
liuhosi	por (meio de)	through,by means of	melalui, dengan jalan
liutiha(< liu tiha)	depois de	after	sesudah,setelah
mai	a, para	to, for	ke, kepada; untuk
molok	antes de	before	sebelum
nu’udar	Como	as	sebagai
rabat	ao lado de	next to	di sebelah
seidauk, ladauk	antes de	before	sebelum
talain	defronte de	opposite	dihadapan
tan, tanba	por causa de	because of	oleh karena
to’o	Até	until, as far as	sampai
tuir	ao longo de; segundo; após	along; according to; following, after	sepanjang;menerut,sesudah
uluk (ba)	antes de (ordem)	before, preceding	pada bagian awal

Verbu Prepozisionál

Iha dialetu tetun-terik nian, prepozisaun kahorik sira ne’ebé hahú ho h- funsiona nu’udar verbu lolos, ne’e mak, foti prefiksu emak ka pesoál hanesan verbu ordinário sira. Fenómenu ne’e ita la hetan ida iha dalen raiseluk hanesan malaiu, portugés ka inglés. Tanesan fraze sira tuirmai ne’e iha dialetu Samoro nian ne’ebé hatudu maklalin verbu prepozisionál ho ninian:

Tetun-terik	Portugés	Inglés
Ha’u kela ko nia	Eu fico como ele/a	I stay with him
Ó mela mo ha’u	Tu ficas comigo	You stay with me
Nia nela no ha’u	Ele fica comigo	He stays with me
Ita hela ho sira	Nós ficamos com eles	We sty with them
Ami hela ho sira	Nós ficamos como eles	We stay with them
Imi hela ho sira	Vós ficais como eles	You stay with them
Sira hela no ha’u	Eles ficam comigo	They stay with me

Maklalin sira ne’e lakon tiha ona iha tetun prasa no mós iha tetun ofisiál, ne’ebé uza forma báziku prepozisaun nian (hanesan verbu nian) iha kazu hotu-hotu, kp.

1. Ha’u hela ho nia

2. Ó hela ho ha’u

3. Nia hela ho ha’u

4. Ita hela ho sira

5. Ami hela ho sira

6. Imi hela ho sira

7. Sira hela ho ha’u

Lokusaun Substantivál

Tetun (hanesan mós lia-malaiu) dala barak emprega lokusaun substantivál iha situasaun sira ne’ebé lia-portugés no inglés uza de’it prepozisaun simples ida ka katetek (kompostu) ne’ebé tuur iha substantivu nia oin.lokusaun substantivál tuir lolos mós lokusaun maksoik ka pisesivu, tamba hodi hateten nune’e ita afinál temi kona-ba buat ka ema rua nia balun ida, n.e.iha uma nia okos = iha parte okos uma nian. Estrutura rua ne’e ita bele tanesan iha dalen haat:

Lokusaun substantivál prepozisaun + substantivu

tet. iha uma (nia) okos = inglés: under the house

mal. di bawah rumah = portugés: debaixo da casa

Iha fraze tetun ho malaiu deskreve iha leten iha no di mak nu’udar prepozisaun; okos no bawah afinál nu’udar naran ne’ebé lori knaar komplementu diretu.

Lokusaun substantivál sira ne’ebé baibain uza iha dalen tetun mak tuirmai ne’e (substantivál tama ba fatin ne’ebé ami hatadak ho retisénsia …) hanesan naktuir iha kuadru karaik ne’e:

Tetun	Malaiu	Portugés	Inglés
iha… (nia) laran	di dalam…	dentro de …	inside …
iha … (nia) li’ur	di luar…	fora de …	out of …/outside…
iha … (nia) oin	di depan …	em frente de*…	in front of*
iha … (nia) kotuk	di belakang…	atrás de	behind …
iha … (nia) leten	di atas …	em cima de*…	on top of*…
iha …(nia) okos	di bawah	bebaixo de	under (neath)…
iha … (nia) tutun	di puncak …	no cimo de*…	at the top of …
iha …(nia) kraik	di bawah…	debaixo de..	below…
iha … (nia) sorin	di samping …	ao lado de*…	beside …/next to…
iha … (nia) leet	di antara…	entre…	between…/among…
iha …(nia) klaran	di tengah-tengah …	no meio de …	in the middle…

Nota observasaun nian:

Forma dalen inglés no portugés ninian ne’ebé ami marka ho tadak astériku mós nu’udar lokusaun substantivál.

Prepozisaun Dalen Portugés

Prepozisaun sira ne’ebé adota hosi dalen portugés naturalmente la iha fafutuk ho abut verbál tetun nian. Atu komprende di’ak liu tan ita haleat iha kuadru karaik ne’e:

Tetun	Potugés	Inglés
alein, aleinde	além de	besides, as well as
apezarde	apesar de	in spite of
durante	durante	during
entre	Entre	between, among
envezde	em vez de	instead of
konforme	conforme	according to, up to
kontra (= hasoru)	contra	against
kuaze (=besik)	quase	almost, nearly
menus	menos	except
sobre (= kona-ba)	sobre	about, concerning

Oinsa Uza Prepozisaun Sira

Atu hatene kle’an liu kona-ba prepozisaun sira presiza hare iha kontestu fraze nia laran, hanesan ezemplu sira tuirmai ne’e:

Ba no mai

Ezemplu: Papá fó ruin ida ba asu.

Luís sosa faru ba alin

Ba iha fraze rua iha leten hatu diresaun ema ne’ebé ko’alia. Iha tetun literáriu ida-ne’e normál iha prezensa pronome emak ema dahuluk nian (katak ha’u, ita ka ami).

Ezemplu: Maromak fó aten-boot mai ita.

Sira la’o mai husi diresaun katedrál.

Tanesan mós: Sira haruka surat ida ba Dili ne’ebá.

Sira haruka surat ida mai Dili ne’e

To’o no lato’o

Ezemplu: Daniel ho Fátima bá to’o Dili.

Husi Dili ba Metinaru lato’o oras.

Iha

Ezemplu: Nia tanis hela iha nia kuartu.

Ami bele bá iha kuartél.

Sira bá to’o iha Ramelau tutun.

Hosi ka husi

Hosi ka nia maklalin husi bele soi arti hanesan tuirmai ne’e.

Ezemplu: Ema ne’ebá pastór protestante hosi Ataúru.

Ami liu hosi banku molok bá eskritóriu.

Sira la’o hosi ai-laran no deskansa besik motaoan ida.

Hosi mós soi nia arti hanesan liafuan portugés por:

Ezemplu: Padre ne’e simu ordenasaun hosi ambispu Baukau.

Informasaun ne’e hato’o hosi señór José Amaral

Ezemplu: Sira haksesuk ho amo beibeik

Mane ida mai ne’e ho liurai nia naran

Ho be mós troka ho hodi iha dalen tetun literáriu, hanesan ezemplu tuirmai ne’e:

António bá kreda hodi nia oan-feto.

Nia ohin mai hodi pasta metan ida.

Tuir

Ezemplu: Atleta sira halai tuir tasi-ibun.

Sira halai tuir ami-nia kotuk.

Hasoru/kontra

Ezemplu: Ita kleur ona funu hasoru injustisa sosiál.

Estudante sira hasoru Reitór UNTL.

Ema sira ne’e kleur ona luta kontra injustisa sosiál.

Senadu estudante nian kontra desizaun Dekanu FCE.

Hanesan/nu’udar

Ezemplu: Koellu ne’e balada hanesan laku

José aas hanesan ho António

Busa nu’udar espesie ida ho tigri.

Há’u serbisu nu’udar advogadu

7. Advérbiu

Kategoria Advérbiu fahe ba parte rua :

A. Forma: 1. Forma reduplikadu ( baibain, foufoun, dodook, lalais, lailais, neneik,

( neineik, loloos ) - maihosi hun adjetivu nakfila ba advérbiu

B. Forma Advérbiu ho abut portugués ( luzizmu : absolutu, ezatu, emediatu, naturál, kompletu, nst. )

Klasifikasaun

Kategoria advérbiu klasifika ba parte sia hanesan tuirmai :

a. Adverbiál fatik (iha ne’ebé, iha ne’e, hosi ne’e, hosi uma, mai uma),nst.

Ezemplu:

1. Sira han hela iha-ne’ebá.

2. Ami liu husi ne’e.

3. Sira mai husi uma

4. Ami hetan nia la’ó mai uma

b. Adverbiál tempu nian (bainhira, kuandu, horikba, hira, dadaun, semana

uluk, tuku hitu) nst.

Ezemplu:

1. Bainhira mak imi ba estranjeiru.

2. Kuandu imi mai ami sei sai tiha ona.

3. Uma ida imi horikba ne’e señór José nian

4. Sira mai daudaun ne’ebá.

5. Semana uluk ami bá vizita sira.

6. Aban dadeer tuku hitu ami liuhusi uma.

c. Adverbiál Nu’un ka modun nian mak henesan (naran, oinsá, halonu’usa naranaran, maka’as, saugati, kasian, mukit) nst.

Ezemplu:

1. Ema sira ne’e maka’as tebtebes.

2. Imi estuda saugati de’it.

3. Ita tenke tulun ema kasian sira

4. Sira ne’ebá mesak ema laran mukit.

5. Ita-Boot sira halo naranaran de’it.

6. Oinsá imi-nia hanoin kona-ba manifestasaun ne’ebá.

7. Halonu’usa mak imi sai husi ne’ebá.

d. Adverbiál konfigurasaun (ida-ida, lemo-lemo, laran-baliur, mesak) nst.

Ezemplu:

1. Imi ida-ida sei lori hahan ba loron ida nian.

2. Sira la’ó lemo-lemo iha ai-laran tuan ne’e.

3. Bainhira ami lakon dalan hafila roupa laran-baliur.

4. Nia mesak mak mai.

e Adverbiál sasukat (mós, hotu, liután, barak, basuk, baibain, kurakuran,

kuaze) nst.

Ezemplu:

1. Nia mós hetan ami iha lorokraik ne’ebá

2. Ami hotu hakarak nia atu sai lideransa ba instituisaun ne’e.

3. Sira barak ne’e mesak estudante sekundáriu nian.

4. Baibain ami liuhusi odamatan oin.

5. Kurakuran nia mak nu’udar maraek.

f Adverbiál afirmasaun no definisaun (sin, loos, nune’e, afinál, liuliu, satán)

nst) nst.

Ezemplu:

1. Loos duni , sira ne’ebá mak nu’udar estudante sekundária.

2. Afinál imi mak halo buat sira ne’e.

3. Sira be mai la hatene ona, satán imi sira be la mai.

4. Sin, ida-ne’e duni mak loos.

5. Nune’e duni mak sira la mai.

g. Adverbiál negasaun no limitasaun (lae, la´os, nein, ladún, nunka, só mesak, nein) nst.

Ezemplu:

1. Ida-ne’e mak Ita-Boot nia livru lae. La’os ida-ne’e.

2. Ita-Boot nia maun mak ida-ne’e la’os, maibé ida-ne’ebá.

3. Ami ladún konkorda ho hanoin ida-ne’e.

4. Sira nunka halo buat sira ne’e mai ami

5. Só nune’e mak ita bele manan konfiansa.

6. Imi bele halo mesak.

7. Bainhira ha’u nein iha ema ida.

h. Adverbiál dúvida ka laran-rua nian (karik, kala, se, bele, to’ok, maizumenus, selae, parese, dalaruma, podia) nst

Ezemplu:

1. Karik iha tempu Ita-Boot bele mai vizita ami.

2. Kala nune’e mak sira la mai haree ami.

3. Se ita hakarak ha’u bele fó hatene.

4. Bele fó ajuda ba sira, bainhira presiza.

5. Husu to’ok ba nia larik iha.

6. Buat ne’ebé mak há’u bele ajuda maizoumenus mak ne’e.

7. Sorti di’ak ha’u hetan Ita-Boot, selae amo la hatene.

8. Tuir ha’u-nia haree, parese nia mak halo violasaun.

9. Ami-nia estudante dalaruma halo sala oioin.

10. Podia ha’u mak ba, bele harosu nia.

i. Adverbiál interogasaun ( oinsá, bainhira, ka, lae, tansá, oinsá, dala hira) nst.

Ezemplu:

1. Oinsá Ita-Boot bele hatena katak nia mak estraga?

2. Bainhira mak ita bele hasoru malu fali?

3. Kala nune’e mak nia la tama eskola?

4. Lae na’i, atan ha’u la iha fatin iha tempu ne’ebá?

5. Tansá mak imi ida-ne’e?

j. Adverbiál intensidade ( loos, tebes, tebtebes, duni, kedas, lahalimar,

mezmu, para, natoon, komplementu, totalment, para, liu) nst

Ezemplu:

1) Loos, ida-ne’e mak nia alin.

2) Se imi mai tebes, entaun ami hein.

3) Ó duni mak halo ida-ne’e ba sira.

4) Sira dsetroe totalmente uma ne’ebá.

5) Ita lori sasan natoon de’it ba semana ida.

6) Para atu koñese arlele bele kaer fuan maran.

7) Mezmuke nune’e ita labela ses husi nia.

8) Para nia mai, ita tenke kria kondisaun

9) Sira bele ona liu ba sorin.

8. Konjunsaun

Liafuan konjunsaun katak liafuan sira mak hatutan liafuan, orasaun no fraze rua. Liafuan sira nu’udar konjunsaun sei fahe ba rua mak konjunsaun koordenativa no konjunsaun subordinativa.

Konjunsaun sira ne’ebé mak envolve iha koordenadór hanesan tuirmai ne’e

1) Konjunsaun kopulativa katak konjunsaun ne’ebé tuir lójika no

gramatikalmente iha relasaun.

Ezemplu: no/i > Kuda han du’ut no asu han na’an.

Ha’u manán osan no tau hotu ba banku. [no konjunsaun literáriu]

Ha’u manán osan i tau hotu ba banku. [i konjunsaun kolokiál]

Amá te’in etu i Maria halo modo.

ho > Amá ho Apá bá to’os.

Manuel ho Anita bá kuru bee.

Kuda ho karau nu’udar balada mamiferu

Manu semo ho liras.

Samea dolar ho isin lolon tomak.

no mós > Tenke ho laran hala’o serbisu no mós halo tuir

regulamentu.

Hamoos vidru no mós tenke kuidadu.

Bainaka sira hananu no mós bidu.

ho mós > Ita han hudi ho mós ai-han sira seluk.

Bainaka sira hananu ho mós bidu (k).

hodi > Serbisu maka’as hodi fó-han no hemu ba família.

Ambispu vizita kadeia hodi fó-konfesa ba dadur sira.

ne’e > Hemu ai-moruk ne’e atu kura moras.

nune’e > Ita halo esforsu antes nune’e bele hetan rezultadu másimu.

purtantu > Matéria sira mak ne’e, purtantu Ita-Boot sira mak tenke

hakle’an liuhosi estuda dokumentu hosi média oioin.

2) Konjunsaun adversativa

Konjunsaun adversativa katak liafuan konjunsaun sira mak hajunta orasaun daruak ho signifika kontraditivu ho signifika orasaun dahuluk iha fraze ruma nia laran.

Ezemplu: maibé > Nia hakarak ha’u maibé ferik-katuas sira la simu nia.

mais > La’o ba mais mak ne’e, …

mas (k) > Bele serbisu oioin mas labele nafatin.

maske nune’e > Maske nune’e ba mas ita hotu sei to’o rohan.

soké > Kalan bele saibá soké tenke kuidadu.

Enkuantu > Agora labele ona, mas enkuantu sei klosan mós halo rai sá

aupásuke > Marta sai madre aupásuke nia alin-feto enfermeira.

1) Konjunsaun disjuntiva

Konjunsaun disjuntiva signifika konjunsaun sira mak hakatak alternativa iha fraze ruma nia laran.

Ezemplu:

ka > Nia mak sala ka ita mak sala seidauk hatene loos.

ka lae > Dehan ó mak manda iha ne’e, nune’e ka lae?

eh > Riku eh kiak hotu-hotu tenke hola feto ne’ebé hakarak ona.

selae > Bá lalais ona, selae ita susar.

keta > La’o ba mais keta tau todan fali ba ema seluk.

Iha koordenasaun balu harabat de’it ho ifen ba substantivu sira la harabat ho konjunsaun “no” mak lahanesan:

Ezemplu:

aman-inan bá-mai

di’ak-aat ferik-katuas

han-hemu inan-aman

ki’ik-boot loron-kalan

maun-alin tun-sa’e

Konjunsaun subordenadór (konjunsaun subordinativa)

Konjunsaun sira mak inklui ba suboordinadór mak konjunsaun:

1) Konjunsaun konsesiva

Konjunsaun ne’ebé hatada espresaun diversaun alternativa ba buat ka kondisaun ruma ne’e la’o dadaun.

Ezemplu:

maski > Maski sira tolok ami, ami la lakon neon.

maske > Maske udan boot hela, ami-nia serbisu la para.

embora > Embora sira manán ona, ida-ne’e hanesan lisaun ida ba ita.

biar > Biar la’o neneik mós, tempu ida sei to’o rohan.

mézmuke > Mézmuke liu ona ezame, mas sei iha serbisu boot ida atu

hala’o.

2) Konjunsaun kondisionál

Konjunsaun kondisionál katak konjunsaun ne’ebé refere liubá buat ka lala’ok ruma mak kondisionalmente. Ezemplu:

se > Se senti moras karik, bele fila uluk ona.

bainhira > Ideia ne’e ita bele simu, bainhira apár ho kondisaun reál

positivamente.

naran > Serbisu sira halo naran hetan netik osan.

naran katak > Serbisu saida de’it bele halo naran katak labele na’ok.

Sarak (T) > Atu di’ak eh aat, sarak halo tuir liafuan loos nian.

3) Konjunsaun konsekutiva

Konjunsaun konsekutiva katak konjunsaun ne’ebé ho funsaun atu haktuir atividade

relasionada mak tuituir malu.

Ezemplu:

atu > Lori ai-han ne’e atu fahe ba ema kiak sira.

hodi > Atu bá tuir kursu hodi hasa’e kapasidade.

atuhodi > Osan ne’e atuhodi ema-nia tusan.

parahodi > Favór ida halo hotu lalais parahodi halo ninia relatóriu mós.

para (k) > Husu tuir ida-ne’e para …?

atubele > Halo uma ketak atubele hela mesak.

ba > Hodi ne’e mai fó ba alin.

4) Konjunsaun negativa sira

Konjunsaun ne’ebé hakatak negativa hodi hasoru hahusuk ruma.

Ezemplu:

keta > Maun-alin sira, keta halimar ho regulamentu!

ketahalobé > Anó, ketahalobé tali sa’e kakorok mak ne’e ee…!

labele > Feto ne’ebá labele mai tama iha ita-nia grupu!

keta … karik > Ko’alia-ko’alia, keta nia mak halo karik!

> Amá taka odamatan sira, keta udan tama karik!

5) Konjunsaun temporál sira

Konjunsaun temporál katak liafuan konjunsaun sira mak refere liubá tempu nian.

Ezemplu:

bainhira > Ha’u mai, bainhira udan para.

durante > Atividade ne’e hala’o durante semana ida.

enkuantu >Iha semináriu ne’e, enkuantu partisipante iha direitu atu husu.

kuandu > Ba imi, kuandu ema fó ona tempu tenke husu.

natoon > Rezultadu ne’e natoon ona ba ha’u.

to’o, to’obá > foin >

depoizde > depois >

molok (atu) > antes (atu) >

antezde >hori … >

1) Konjunsaun komparativa sira

Konjunsaun komparativa katak konjunsaun ne’ebé refere ba aspetu komparasaun objetu rua ninian kondisaun.

Ezemplu:

fali > Nia mak di’akliu fali ona ha’u.

duke > Di’akliu ha’u hili ida be natoon duké hili ida ne’ebá.

tuir > Hotu tiha tuir fali sira be simu ona billete.

hanesan > Ida ne’ebá mós hanesan ida be liu tiha ba ne’e.

liu > Se imi liu tiha ezame ne’e sei tuir tan ezam ida mós.

2) Konjunsaun kompletiva

Ezemplu:

katak > Ne’e katak ita labele liuhosi iha ne’e.

ke > Seja ké ha’u la mai mós, imi sempre estuda rasik.

ne’ebé > Ba sira ne’ebé la hatama tarefa, lalika ejize nota ba ha’u.

dehan > Ida-ne’e ka ou sé de’it hotu-hotu bele dehan di’ak hotu de’it.

katak dehan > Mak hanesan ne’e hela de’it, bele dehan katak mate iha fatin

sá.

9. Interjesaun

Interjesaun (Luzizmu: olá, halo ,he, ben, viva, ai, bosta)

1. Olá, di’ak ka lae ?

2. Viva señór Juaun!

3. Basta imi halo di’ak ba ita hotu.

4. Ben, buat ne’ebé ó halo mesak kapás.

ANÁLIZA SINTÁTIKA

Fraze.

Fraze nu’udar liafuan ida de’it ka lubun ida ne’ebé tutan malu no hatuir hale’u hanoin ida, hodi fó-hatene kona-ba buat ruma,mak harii iha estrutura no remata ho pontuasaun.

Fraze no nia análiza

Fraze iha oioin,maibe iha parte ida-ne’e ami koko fó-hanoin ba profesor sira, oinsá atu bele koñese funsaun fraze nian, kategoria liafuan nian ne’ebé forma fraze no papél estrutra fraze nian. Asuntu ida-ne’e importante tebtebes atu ita kuda metin iha estudantes sira nia neon nu’udar fundamentál atu estuda siénsia linguístika

Fraze mós bele sainaruk no liafuan rua ka tolu ka barakliu.Iha kazu ida-ne’e ita bele hetan:

a. Fraze ho verbu : Tinan balu liubá ha’u bele hala’o ha’u-nia knaar nu’udar

profesór.

b.Fraze laiha verbu: Loron di’ak ho dader naroman no kalan malirin.

Ita hotu buka haka’as an koñese kle’an fraze ho nia análiza, hodi nune’e ita bele fó informasaun klaru no kle’an ba estudante sira.

Ezemplu:

(a) Mateus fó na’an ba asu.

Naran verbu naran prepozisaun naran

(b) Labarik sira gosta rebusadu, la’ós ai-moruk

Naran verbu naran advérbiu naran

Se fraze ne’e ita análiza nia estrutura no liafuan ne’ebé forma estrutura liuhosi dalan oin tolu: Funsaun, kategoria no papél.

Mateus fó na’an ba asu

Funsaun (F) (S) P Komp. diretu Komp indiretu

Kategoria (K) N.Próp V naran prepozisaun Naran simples

Papél (P) Autór tatemik komp.

(c) Labarik sira gosta rebusadu, la’ós ai-moruk.

(F) S P Komp

(K) N.Kom V N. kom Adv. neg N.kompostu

(P) Autór tatemik Komp.

Ezersísiu:

1. Turista Inglés sira gosta foho no tasi-ibun.

2. Siénsia nakfahe ba dixiplina oioin.

3. Dili mak kapitál,Timor-Leste nian, la’os rai-Vanuatu nian.

4. Ami sa’e karreta atu bá Baukau.

5. Lia-Fataluku ne’e dalen furak tebtebes.

6. Ami-nia kolega sira halo protesta ida iha parlementu

Verbu

Verbu sira: Tempu & Aspetu

Kona-ba liafuan verbál iha parte tempu no aspetu, bainhira ita tanesan ita-nia dalen ho dalen seluk hanesan dalen portugés no dalen inglés, ita bele hanoin katak sistema verbál maka gramátika sanak ida ne’ebé mamar iha dalen tetun, toos fali iha dalen inglés no mós iha dalen portugés. Se ita to’o ba konkluzaun sala ne’e karik, ne’e tanba ita tetu verbu sira hosi pontudevista tempu nian de’it. Tebes duni, difikuldade ida ba timoroan sira ne’ebé aprende dalen europeu ida maka domina tempu nian. Hanesan dalen portugés no inglés iha tempu báziku tolu maka tuirmai:

prezente pasadu futuru

Portugés ele ajuda ele ajudou ele ajudará

Inglés he helps he helped he will help

Tetun nia tulun nia tulun nia tulun

Bele mós ita uza liafuan-maktulun verbu tempu iha dalen tetun hanesan kraik ne’e:

Tetun nia tulun ita nia tulun ona ita nia atu tulun ita

tiu tulun alin tiu tulun ona alin tiu atu tulun alin

Hodi espresa tempu (bainhira mak hahalok ida akontese) dalen portugés no inglés muda verbu ho dalan rua:

Tutan ho sufiksu ida (-a, -ou, ará iha portugés, -s no –ed iha inglés

Emprega verbu maktulun (ausiliár ida (hiill iha inglés

Maibé dalen austronéziku sira hanesan tetun no malaiu la foka tempu iha sira-nia lójika gramatikál. Purtantu, iha dalen tetun ita lalika hatama fali forma ida (prefiksu verbu maktulun) hodi espresa tempu. Tempu ne’e makdalek tetun sira hanesan mós makdalek malaiu) hatudu liuhosi kontestu de’it, katak liafuan sira-ne’ebé hale’u verbu iha fraze laran mak hatudu tempu. Hodi kompara balu ita bele haree katak dalen tetun no malaiu la presiza matadak (markadór) ida hodi espresa tempu.

Tempu	Dalen	Ezemplu
Prezente	Portugés Inglés Tetun Malaiu	Ele *ajuda-me todos os dias. He helps* me every day. Nia *tulun* ha’u loroloron. Dia *menolong* saya tiap hari.
Pasadu	Portugés Inglés Tetun Malaiu	Ele *ajudou-me há três dias. He helped* me three days ago. Nia *tulun* ha’u loron tolu liubá. Dia *menolong* saya tiga hari yang lalu.
Futuru	Portugés Inglés Tetun Malaiu	Ele *ajudará* os estudantes às cinco horas. He *will help* the students at five o’clock. Nia *tulun* estudante sira iha tuku lima mai. Dia *menolong* para mahasiswa pukul lima.

Bainhira dalen portugés no inglés foka liu ba tempu, enkuantu dalen tetun foka liu ba aspetu, hanesan iha kraik-ne’e:

aspetu aspetu

tiha sai tiha uza matadak perfetivu tiha

soe tiha

sunu tiha

hakohak tiha

ona selu ona uza matadak insetivu ona

bá ona

liu ona

mak ne’e ona

foin foin hahú uza matadak resentivu foin

foin tun

foin mai

foin fila

sei sei la’o uza matadak prospetivu sei

sei lakon sá

sei hakarak hela

sei botuk loos hela

sei la’o hela lalais/maka’as uza matadak gresivu daudaun

sei manas hela

sei ku’u hela daudaun

sei fuma daudaun ne’ebá

sei la’o neneik hela uza matadak estativu hela

sei ke’e neneik

sei halai neneik

sei hakaat neneik mai

atu atu monu uza matadak iminentivu atu

atu hahú

atu sasaltu

atu mosu tan

atu hamriik ketak

ba atu hahú de’it uza matadak aprosimativu ba

halo de’it ba

hasai de’it ba sá

tuur de’it ba

atu hahú loke de’it

Ezemplu:

gresivu Labarik sira haksoit daudaun iha kama leten.

Apá sira han daudaun na’an-asu iha sorin.

estativu Ha’u hein hela iha ha’u-nia kuartu.

Maria moras hela.

prospetivu Nia sei han hela.

Sira sei halimar hela.

perfetivu Di’ak liu hatún tiha molok sira mosu.

Di’ak liu hasa’e tiha ba hadak leten.

insetivu Mateus selu ona tusan.

Keta hamrook ona karik.

perfeitu Ha’u hakerek tiha ona surat ida ba nia.

Maske nia lakohi mai, maibé ha’u bolu tiha ona.

resentivu Ha’u foin han sá.

Nia foin pasa ho predikadu di’ak.

aprosimativu Lori lalais ba karta ne’e bá nia.

Saida mak akontese ba, ita oferese an de’it.

Iminentivu Sira atu foti prosesu ne’e hodi hasoru ita.

Polísia multinasionál atu besik mai iha Timór Lorosa’e.

Ezersísiu:

Hanaran matadak-aspetu itáliku sira iha fraze kraik mai ne’e:

1. Imi loke ona kaixa foun ne’e ka seidauk? _________________________

2. Amu-papa sei foti madre ne’e ba santa. _________________________

3. Labarik sira halai daudaun iha kintál laran. _________________________

4. António, tesi tiha ai-sanak maran ne’ebá. _________________________

5. Sé mak atu lori hahán ne’e bá avó-feto? _________________________

6. Sira lohi hela mak ne’e, tenke mata-moris! _________________________

7. Klise ne’e fase tiha ona hodibainrua. _________________________

8. Ami foin fó informasaun ne’e ba sira. _________________________

9. Mestre keta fó nota aat ba sira! _________________________

10. Sira sei hanoin katak ha’u labele bá festa. _________________________

Verbu katak liafuan sira-ne’ebé hatudu asaun sujeitu nian ruma mak akontese iha iha vida diária ba tempu ne’ebé liu ona, dadaun no atu mai nian.

Hosi parte konstrusaun nian, mak liafuan verbu sei hakfahe ba oin rua:

- báziku

Liafuan verbu báziku katak liafuan verbu sira mak seidauk hetan afiksasaun

ruma: n.e. han, hemu, tuda, rona, tuur, baku, fahe, lori, haree nst.

- kompleksu

Liafuan verbu kompleksu signifika liafuan verbu no adjetivu mak hetan ona

afiksasaun: prefiksu, infiksu, sufiksu ou konfiksu ka sirkunfiksu.

Prefiksu: tuur > hatuur, sa’e > hasa’e, manas > hamanas

Sufiksu : bele > belek, hemu > hemun, dale > dalen

Konfiksu: futu > fafutuk, mate > hakmatek,

Hosi parte jéneru, verbu sei fahe ba subklase lubun ida mak tuirmai ne’e:

1.Verbu inkoativuku sira

Verbu inkoativu maihosi termu gramatikál (port. incoativo) hosi adjetivu latinu inchoativus (hahú, hahú nian). Hosi liafuan hun incotivo ‘hahú’ komesa. Iha tetun-terik, verbu inkoativu sira forma ho prefiksu na- no haktemik estadu ka situasaun ida ne’ebé hahú. Sira hotu-hotu intranzitivu katak verbu hirak ne’e ninia objetu la iha. Verbu inkoativu iha klase rua: verbu inkoativu ho hun adjetivál no verbu inkoativu ho hun substantivál

Verbu inkoativu ho hun adjetivál:

Liafuan-hun verbu inkoativu iha tetun-prasa

manas namanas sai manas

badak nabadak sai badak

mutin namutin sai mutin

mamar namamar sai mamar

toos natoos sai toos

todan natodan sai todan

aat nahaat sai aat

Verbu inkoativu ho hun substantivál:

been nabeen sai been

funan nafunan sai funan

fuan nafuan sai fuan

isin nahisin sai isin

roman naroman sai naroman

tutun natutun to’o tutun

Nota: Iha tetun-terik verbu inkoativu barak tesi tiha konsoante ikus ne’ebé mosu iha hun adjetivál ka substantivál. Nune’e ita bele hetan maklalin (variante) barak barak iha tetun literáriu, hanesan:

nabada selae nabadak

nadiu nadiuk

namea namean

nameti nametin

nabee nabeen

nafua nafuan

nafuna nafunan

naroma naroman

natutu natutun

nahisi nahisin

natolu natolun ‘fó tolun’

Tan forma rua hotu loos, hakerek-na’in bele hili forma ida-ne’ebé nia gosta liu.

Nota mós katak verbu kauzativu halirin (halo malirin) nia maluk inkoativu ne’e naliri ka nalirin, labele *namalirin.

Verbu inkoativu sira balu lakon tiha ona sira-nia sentidu inkoativu, no ohin loron refere ba hahalok ka situasaun baibain nian, la’ós ba hahalok ka situasaun nia hun de’it, n.e.:

nabilan

nakonu

nakukun

nadodon

1.Verbu Dinámiku sira

Prefiksu hak- forma verbu foun hosi hun adjetivál ka substantivál. Verbu dinámiku sira la’ós kauzativu (hanesan sira ne’ebé hahú prefiksu ha-). Sira espresa hahalok simples de’it no barakliu intranzitivu.

adjetivu verbu dinámiku

baruk hakbaruk = halo an hanesan ema baruk-teen

besik hakbesik = bá besik

dook hakdook = bá dook

solok haksolok

fodak ‘nervozu’ hakfodak

tenik haktenik = repete, dehan dala ida tan

belak hakbelak = hoku

fetok hakfetok = halo an hanesan feto

karuk hakaruk < *hakkaruk ‘fila bá karuk

lisuk haklisuk = halo hamutuk, kolabora

matek hakmatek

klebak haklebak < *hakklebak

substantivu verbu dinámiku

belu-n hakbelu, hakbelun ‘halo amizade’

sasin haksasin ‘fó sasin’ testemuña

buan hakbuan ‘halo an hanesan buan’

funu hakfunu ‘halo funu’

maluk hakmaluk ‘hamaluk malu’

sahin haksahin ‘fahe lisuk’, pedasu, bokadu, baluk

bazar hakbazar ‘halo kontratu, komersializa

klamar haklamar ‘< hakklamar, medita, hakbadan’

foli hakfoli ‘hatais foli’

na’i hakna’ik ‘ukun, manda ema seluk (negativu)’

2.Verbu Intensivu sira

Verbu intensivu sira atu hanesan verbu dinámiku sira hodi espresa intensu ida, katak hahalok maka’as, lais ka rame liu baibain nian. Iha diferensa rua de’it:

a. verbu maka sira-nia la’ós adjetivu ka substantivu

b. sira hetan forma hodi sirkunfiksu hak-k selae ham-k (hosi prefiksu hak-, ham-, de’it fali bainhira verbu-hun nia konsoante ikus maka –k).

Ezemplu:

Hun verbu verbu intensivu nia arti

tohi haktohik hamosu erosaun, korroi

sala naksalak liman ka ain-ruin mak naksalak

fakar hakfakar halo nabeen, nakfakar osan

kona hamkonak influénsia, afeta

duu hakduuk fó sala ba ema esluk sira

buti hakbutik de’ut malu, riba malu

la’o hakla’ok akompaña, hamaluk

dudu hakduduk sikun malu, tuli malu

lees haklees lees rahun

hadebar hakdebar hata’uk, teroriza

tama haktamak tama klaran, mete

tebe haktebek tebe malu, tebe tun-sa’e

tuku haktukuk tuku malu, tuku tun-sa’e

sona hamsonak estímula, motiva

ta’uk hamta’uk respeita

BIBLIOGRAFIA

Carvalho, M. de B. (2008). Manuál kursu Ortografia no Gramátika Dalen

Tetun. Dili: Timor Aid.

Hull, G. no Eccles, L. (2005).Gramática da língua Tétum. Lisboa:

LIDEL.

Hull, G. (1993). Mai Ko’alia Tetun: A Course in Tetum-Praça, The Língua Franca of East Timor. Australia: Australian Catholic Relief.

Hull, G.S. no Correia, A.J.G. (2005). Kursu Gramátika Tetun: ba Profesór, Tradutór, Jornalista no Estudante-Universidade sira. Baukau : Gráfika Diocesana.

Gomes, N. da Silva. (2008). Halibur Literatura Populár iha Timor-Leste. Dili: Timor Aid.

INL. (2006). Matadalan ortográfiku ba Dalen Ofisial. Baukau: Grafika

Diocesana.

INL. (2006). Hakerek Tetun tuir Banati: Kursu Ortografia Padronizada

nian. Baukau: Grafika Diocesana.